新陶園海鮮酒家

营业中

休息中

餓底性格孤僻，平日外食多數只約兩三知己或毒食，上個月難得有晚出席飯局，吃海鮮大餐，每個餸都陣容龐大，當然要紀錄一下。鮑魚、豬肚、雞煲：足料到一個點！又有大量娃娃菜墊底，索晒所有鮮味！正呀！第一味已經咁幸福！😋上湯龍蝦伊麵：上菜時各人紛紛嘩了一聲！龍蝦開晒邊，每人分食半隻，yummy！識食當然要食埋伊麵！🤤炸鮮魷：我的至愛！粉漿不會太厚，嫩！食左好多舊🤭龍躉炒西芹：魚肉大塊嫩滑，有誰不愛？西芹來得正好，正想食兩啖菜😙扇貝蒜蓉粉絲：又是嫩嫩的，蒜蓉+粉絲+蔥+豉油+扇貝鮮味，太令人陶醉！炸魚骨：以為無咩肉但原來都幾多肉！炸完脆脆地再加上獻汁，滋味！鹽焗奄仔蟹：去年已經吃過一次，今年再來新陶園，最期待就是這個蟹！唔好睇佢蟹仔細細，好多肉同好多膏架！壓軸出場，個個食到好飽都仲食晒佢，可想而知佢幾咁好味😋😋