影片
更多
2021-10-08
87 浏览
想喺尖沙咀食到新鮮超正嘅西式海鮮，我鍾意去厚福道嘅The Captain'sHouse，坐得舒服，店員服務又好，會主動幫手影合照添！先嚟蟹餅，外表金黃香脆，入面全部都係一絲絲嘅蟹肉，超級足料。 我好鍾意食蟹，但要自己拆肉就有點難度，呢個蟹餅啖啖肉，真係好滋味。必點嘅Seafood Platter海鮮袋，三種醬汁任揀：檸檬牛油汁、卡薑蒜蓉汁同胡椒牛油汁。海鮮有好多選擇，全部游水新鮮，可謂花多眼亂！最後揀咗海蝦、青口同蜆，加入胡椒牛油汁，用藍網海鮮袋包住，上枱後開始shake shake shake。 充份搖勻之後，一打開已經聞到好香，香腸、薯仔、粟米同海鮮都充份掛汁，我哋即刻帶手套開動啦！一食就覺得海鮮好鮮味，肉質爽彈，唔係一般急凍貨可比。墨汁鮮魷魚意大利飯賣相唔係好靚，但入口後墨汁即化，加上魷魚嘅嚼勁，黏稠嘅飯粒，配搭又互不干擾，都唔錯！甜品Cappuccino Cheese Cake帶有咖啡同芝士香味，香滑而邪惡，哈哈，為味蕾帶來甜美回味！飲品點咗Nana Flow和Coffee Flow，各具特色。 Nana flow係混合菠蘿、椰汁、香蕉，而Coffee flow就混合咖啡、香蕉
House，坐得舒服，店員服務又好，會主動幫手影合照添！
先嚟蟹餅，外表金黃香脆，入面全部都係一絲絲嘅蟹肉，超級足料。 我好鍾意食蟹，但要自己拆肉就有點難度，呢個蟹餅啖啖肉，真係好滋味。
必點嘅Seafood Platter海鮮袋，三種醬汁任揀：檸檬牛油汁、卡薑蒜蓉汁同胡椒牛油汁。
海鮮有好多選擇，全部游水新鮮，可謂花多眼亂！最後揀咗海蝦、青口同蜆，加入胡椒牛油汁，用藍網海鮮袋包住，上枱後開始shake shake shake。 充份搖勻之後，一打開已經聞到好香，香腸、薯仔、粟米同海鮮都充份掛汁，我哋即刻帶手套開動啦！
一食就覺得海鮮好鮮味，肉質爽彈，唔係一般急凍貨可比。
墨汁鮮魷魚意大利飯賣相唔係好靚，但入口後墨汁即化，加上魷魚嘅嚼勁，黏稠嘅飯粒，配搭又互不干擾，都唔錯！
甜品Cappuccino Cheese Cake帶有咖啡同芝士香味，香滑而邪惡，哈哈，為味蕾帶來甜美回味！
飲品點咗Nana Flow和Coffee Flow，各具特色。 Nana flow係混合菠蘿、椰汁、香蕉，而Coffee flow就混合咖啡、香蕉同忌廉。 咖啡控嘅我當然係飲Coffee flow，咖啡加入咗香甜嘅香蕉，中和咗苦澀味，更易入口，估唔到味道又真係幾夾，NICE~
张贴
