玄鮨 (已結業)

日本料理以優質同新鮮嘅食材取勝，老闆請食飯，當然要食好D，去左米芝蓮餐廳玄鮨。套餐有茶碗蒸、沙律、前菜、壽司八件、烏冬、甜品。沙律色澤鮮艷，味道清新。前菜係帶子裙邊，味道都唔錯。茶碗蒸既蒸蛋滑嫩，同配料都多。八款壽司分別有伊佐木、鯖魚、海膽、金目鯛、花竹蝦、鮑魚、赤蝦同卷物。幾款壽司都非常鮮甜，唔加任何調味，就係最好既食法。特別想講海膽同鮑片，真做得好出色 ，海膽鮮甜，入口即溶，而鮑片口感彈牙，加上鮮味十足既肝醬，令味道更加豐富。最後，一個清香既湯烏冬同雪糕夾餅，完成一道美味的午餐🤤