hEat (已結業)

去完反送中，雖然有d攰，但係又點可以唔理爸爸呢！為左同爸爸慶祝父親節，做仔女既當然要請佢食餐好。係門口見到有2個雪櫃係到，入面仲放左好多唔同種類既牛肉同部位。係店員既介紹下，我地叫左幾道平時餐廳比較少有既菜式。海毛蝦 店員介紹係龍蝦科之一，比較細隻外殻用火烤過，上到枱已經好香，蝦肉爽彈彈牙而且保留蝦既甜味。大花蛤仲配有高質蒜蓉法包。花蛤既鮮味溶入忌廉汁裏面，蒜蓉法包內軟外脆同忌廉汁一齊食味道加倍升華。係唔同菜式裹面，日本鱈魚呢個印象對我最深刻。本身都好鍾意食魚既我無魚不歡。魚肉入口嫩滑又有濃濃魚香，tomato salsa 吸收曬所有魚汁精華，真係食到回味無窮。30 days sirloin 牛肉鮮嫩多汁唔會老，牛肉無加入額外調味，入口保持到牛肉本身肉香，熟成度剛剛好。加人小小海鹽調味已經好足夠。呢個四川風味抄蔬菜帶有小小麻香，但唔會太辣，食材夠時令。每道菜既用碟調味各有不同，睇得出餐廳既用心和心思。