路邊煱 (已結業)

對土瓜灣不太熟悉,幸好在馬頭圍道下車後好快就找到美善同道,「路邊煱」就在眼前。先來了一碟尖椒,豆豉與尖椒好夾 $48值得一嘗。叫左花甲煱(足足有一斤花甲)加了一隻羔蟹(我估蟹不只一斤),蟹肉肉厚十分鮮甜,而且煱底仲有大量的野菌同栗米。整個湯都好好味。$360。必叫。 兩個人黎的話加一兩款配料就夠哂。仲試左四色丸,味道不過不失。其中的牛筋丸必定要點,好彈牙,仲有爆汁既情況。好好味。 午餐肉係個人食火煱必食的。老闆推介食肥鵝腸($78),真係好好味,見到啲肥膏已經好吸引。好有口感。愛死。 手切本地肥牛拼牛頸脊$268,兩款都好有牛味。墨釀油炸鬼$58,味道ok。雖然地點不近地鐵,但食物水準不錯,值得回頭。