うまい鮨勘

营业中

休息中

無得去旅行😭，唯有偽日遊嚟呢到品嚐由東京築地直送嘅「鮨」味。極上壽司盛$380壽司係即叫即做嘅手握壽司，醋飯份量適中，魚生剛好覆蓋飯面，醋飯上枱時還保持微溫👍。魚生普遍新鮮，吞拿魚腩🍣脂肪比例高，無筋，入口即溶。三文魚籽軍艦粒粒肥美，咬開魚味四溢。甲羅燒 $198滿滿嘅松葉蟹蟹肉、蟹膏釀入蟹殼裏面，再燒到香氣撲鼻，蟹膏非常濃味，質感順滑，十分滋味。王者海鮮丼 $300每日限量10份，內有15款新鮮魚生。當中最架勢緊係原隻龍蝦刺身🦞，爽彈鮮甜。仲有鮑魚、海膽、三文魚、北寄貝、吞拿魚、元貝、蟹籽、甜蝦，吞拿魚蓉等，樣樣都新鮮口味。