肉搏食堂 (已結業)

尖沙咀厚福街真係超多美食，勁有口福😆💗今日做同朋友嚟到依間肉搏食堂，感受一下日本嘅味道，一解思鄉之愁🥰一嚟到見到餐廳嘅種類都好多元化，嘢食除咗有刺身同埋壽司、牛肉飯之外，仲有個式各樣嘅小食同埋飲品，我哋就梗係食一啲最出名㗎啦😚首先叫咗一個香煎頂級牛肉配海鮮丼材料超級豐富，裏邊落咗好多嘅日本牛肉，大約係七成熟，食落去肉質超級鮮嫩，而且配住牛肉飯食，味道一流😚角切魚生丼你食日本嘢梗係要食魚生啦！依個刺身飯都好足料，裏邊有三文魚同埋最愛嘅吞拿魚，刺身全部都好新鮮，仲有生蛋喺中間，撈埋食超好味😋煎三文魚小食另外叫咗一個小食，三文魚係必點！外層烤到好香口，三文魚亦都好多肉，超級鮮甜😋另外仲叫咗兩杯嘢飲，芒果熱情果梳打同埋紫薯鮮奶，好味之餘亦都打卡able💕