天吉屋 (已結業)

由佢開張已經想試，每次晚上黎到都排長龍，每次都失望離去。有次12點前未開門去諗住晏就可以唔洗排咁耐，但都入唔到做第一批。於是今次避開食飯時間，四點幾去到，終於唔洗排隊就入到。落單後會送上一大碗菜，點酸酸地既汁食，好開胃。我叫左All Star丼，咩都有d。魷魚意外地好食，仲有個什錦炸物都好出色。溫泉蟹同軟殻蟹都唔錯；但虎蝦同其他配料就正路啦。最鐘意係佢中間撈左d柚子醬，可以解下膩。不過我最後都係食唔哂。男朋友就叫左個香港限定既軟殻蟹丼，個樣十分有氣勢！最出色既係皇帝菜同櫻花蝦既配搭，好特別既味道。每人一個丼其實都真係好飽，我地5點幾食完呢餐就已經飽足全日。然後食完出去，已經見到出面排長龍了。所以想試的話建議四點至五點左右黎食，唔洗等。