一碗小麵 (已結業)

幫襯「一碗小麵」其實巳經好多次今日過嚟叫外賣見得閒就打下食評每次樓面連廚房多數都一個姐姐招呼撞岩幾台食客連外賣單就要預等耐少少以前試過叫勾魂涼麵 ($42)、豆花麵 ($36)、豌豆雜醬麵 ($45)同涼拌雜醬豆花米線 ($45)唯獨鍾愛涼拌雜醬豆花米線有學生證好似仲有得平少少先講麵既份量, 以$45 的價錢黎計，佢一啲都唔少，正常食量的女士們過來吃應該都會食唔晒，男士就不用擔心唔夠飽配料方面佢有雜醬 (其實即係肉碎粒配以四川當地家家戶戶都識整既麻辣醬汁)、豆腐花同青瓜絲佢以前仲會落埋火生粒添。辣度方面佢有得比你揀大、中、小辣或者BB辣；任君選擇。從佢上碟既賣相估計，豆腐花應該係用百福品牌，起碼有半磚份量口感清清地兼夾幾滑溜，有豆香味。用黎解雜醬既鹹辣係一流。至於青瓜絲每條切出黎都大細均勻，入口爽甜，可以算得上係誠意之作。天氣時熱時潮濕，唔想食熱辣辣既飯或麵，涼拌會係一個幾唔錯既選擇。至於姐姐每次幾實都幾有禮貌，堂食既話有時佢哋仲會同啲食客吹下水。整體黎計，小編係幾推薦呢間小店比大家去試。