曾三仙米線 (好順泰大廈)

营业中

休息中

我老闆最鍾意食米線，食厭左連鎖店，陪佢去搵小店食下，搵到呢間四川風味。好，坐低睇下有咩好食先。泡椒肉臊土豆泥拌米線，加左鮮魚片、蝦滑，食撈米線都有薯蓉好特別，連埋辣辣肉臊，又辣又惹味。魚片超滑溜，仲要冇骨的，入口即溶既嫩滑口感。雞汁三仙米線，個雞湯好飲，仲要有蟲草花，米線係偏幼身，食落口感爽身。鵪鶉蛋、豬肝，而家岀面好少有得食鵪鶉蛋，豬肝大大片，足料！泡椒木耳，個椒味好香，木耳好爽口新鮮，食完好開胃。糍粑油條，原來係油炸鬼中夾住煙煙韌韌既糍粑，一下脆一下黏既口感，又幾好食喎！