紅館 (海堤街)

营业中

休息中

喺香港一路都未食到好味嘅四川菜，經朋友介紹呢間餐廳嘅四川菜非常正宗同出色。餐廳位置較為偏僻，聽朋友講呢間餐廳由外賣店做到依家有埋堂食服務，就知佢哋嘅食物幾受街坊嘅歡迎。餐廳主打四川菜，想轉嘅四川菜出佢都有。鑊氣豉椒炒蜆炒蜆非常夠鑊氣，呢碟炒蜆有非常多配料一齊炒，味道非常惹味，每粒炒蜆入邊都有蜆肉，每粒蜆都洗得好乾淨唔會有沙，大碟夾抵食。重慶水煮配龍脷柳龍脷柳份量非常高，未食已經聞到非常勁嘅麻辣味，第一啖食落去唔係覺得好辣，但係後勁嘅麻辣味非常強烈同惹味，忍唔住越食越多，辣得好過癮。紅油口水雞(半隻)由於我唔食得辣，所以揀咗BB啦。上菜嗰時見到成碟餸都係紅色，碟上仲有幾條辣椒心諗一定係好辣。點知食落，辣到啱啱好，平時譚仔食開10小辣嘅我都覺得唔辣，雞肉肉質非常嫩滑，呢碟餸送飯一流。餐廳所有菜式嘅麻辣口味都做得非常出色，唔係死辣而係麻辣，你仲可以買佢哋自家製嘅極爽麻辣醬，將佢哋呢種咁獨特嘅麻辣味帶返屋企。餐廳位置喺巷仔入邊，需要啲時間先會搵到，但係餐廳嘅食物碎咗非常高，絕對值得一試。