更多
2021-10-07
2186 浏览
🎁承蒙各位猪朋狗友嘅爱戴，熊妹生日饭食到九月都仲食紧，今次轮到玛姬皇后出场。📌今次同亲玛姬皇后呢只昔日嘅high tea脚，就梗系以high tea来庆祝啦。📌熊妹high tea，食咗咁多年，多间大大小小著名酒店嘅high tea都试过，又真系未食过鼎鼎大名的《四季酒店》，绝对适合成为今次庆祝嘅地方。📌来到《四季酒店》的大堂，门口摆放著一部高级典雅的黑色三角琴，贵气逼人。📌大堂嘅装潢以净色简洁为主，光鲜亮丽。环境地方好宽敞，楼底好高，一啲压迫感都冇，完全可以好休闲好轻松地叹个下午茶，享受一个下午时光。📌窗口位望出去虽然系公路，但系晴朗的天气，蓝天白云的景色，加上柔和的阳光慢慢渗入大堂内，令成个气氛都变得生气勃勃。📌经典下午茶包括四款咸点、四款甜点同两款松饼，平日$658两位加一。📌饮品包咖啡或茶，有一系列嘅四季茶款任君选择，真是花多眼乱。Afternoon Tea Set经典嘅三层下午茶出场啦！用上经典嘅三层下午茶圆架，摆放着三碟下午茶小食，分别上层系甜点层，中层系松饼层，下层系咸点层，层次分明。上层-甜点层黑加伦子栗子忌廉泡芙的的骰骰嘅一粒泡芙仔，黑加伦子系讲紧泡芙嘅脆皮系黑加仑子
📌今次同亲玛姬皇后呢只昔日嘅high tea脚，就梗系以high tea来庆祝啦。
📌熊妹high tea，食咗咁多年，多间大大小小著名酒店嘅high tea都试过，又真系未食过鼎鼎大名的《四季酒店》，绝对适合成为今次庆祝嘅地方。📌来到《四季酒店》的大堂，门口摆放著一部高级典雅的黑色三角琴，贵气逼人。
📌大堂嘅装潢以净色简洁为主，光鲜亮丽。环境地方好宽敞，楼底好高，一啲压迫感都冇，完全可以好休闲好轻松地叹个下午茶，享受一个下午时光。
📌窗口位望出去虽然系公路，但系晴朗的天气，蓝天白云的景色，加上柔和的阳光慢慢渗入大堂内，令成个气氛都变得生气勃勃。
📌经典下午茶包括四款咸点、四款甜点同两款松饼，平日$658两位加一。
📌饮品包咖啡或茶，有一系列嘅四季茶款任君选择，真是花多眼乱。
Afternoon Tea Set
$658
157 浏览
0 赞好
0 留言
经典嘅三层下午茶出场啦！用上经典嘅三层下午茶圆架，摆放着三碟下午茶小食，分别上层系甜点层，中层系松饼层，下层系咸点层，层次分明。
上层
109 浏览
0 赞好
0 留言
黑加伦子栗子忌廉泡芙
的的骰骰嘅一粒泡芙仔，黑加伦子系讲紧泡芙嘅脆皮系黑加仑子味，内里用上栗子忌廉做泡芙软心，开头担心两者嘅味道会唔会唔系好夹，不过食落去味道唔算好出，唔系好甜。
无花果红桑子榛子杏仁蛋糕
熊妹最钟意食酸酸嘢，呢个杏仁蛋糕外皮包着红桑子嘅朱古力脆皮，入边仲有粒粒榛子碎粒，食落酸酸甜甜，杏仁蛋糕嘅质感就软软湿湿，味道几好嘅一款甜点小食。
柑橘朱古力挞
柑橘就不嬲配撘朱古力，柑橘其实即系一片橘子，摆上喺朱古力挞上面，鲜甜多汁嘅橘子同带点苦涩味嘅黑朱古力挞，更能挂出橘子嘅味道。
威廉斯梨法式杏仁饼
特别㖞！不嬲都系以圆形形式呈现嘅马卡龙，呢度系造成一个啤梨形架🍐，仲要系青色，真系做得似模似样㖞。
唔甜㖞蛋白饼好松脆，夹心果酱薄薄地一层，做得非常精致的一件法式甜点！
中层
88 浏览
0 赞好
0 留言
又系熊妹下午茶茶点中最钟意食嘅松饼啦！有两款口味，原味牛油味同埋提子干味，每款都有两件，四件都好大一件，好似个馒头咁大，绝对唔可以称得上系小食，熊妹即刻心心眼左。
牛油松饼真系绝对系好松化，咩叫外脆内软，可以系呢件松饼找出答案。首先松饼真系好大一件，咁大一件可以有好多空间令到外层焗得好松化，然后再保留内里松饼嘅软化，材料嘅比例，牛油同面粉混合嘅程度及焗炉火候嘅温度同时间，都拿捏得恰到好处，先可以达到如似嘅境界，熊妹食过好多间著名酒店嘅招牌松饼，《四季酒店》呢个质感绝对真系称得上数一数二。
仲要有跟上嘅clotted cream同埋士多啤梨果酱，都系配合松饼一流嘅拍挡。Clotted cream做得好绵滑，熊妹依然都系钟意配搭clotted cream，淡淡嘅忌廉牛油香味连带牛油松饼嘅牛油味，变成双重牛油味，但味道又不同，更香更美味。
下层
84 浏览
0 赞好
0 留言
意式松露蛋饼配风干火腿、藏红花蛋黄酱香草面包三文治
材料望落就似系一件腿蛋治，但用上嘅系上等嘅材料。
花形嘅蛋饼细细粒粒，细粒到变成本身细粒的松露再磨碎左，味道唔系好出，火腿咸咸地好薄一片，香草面包味道浓烈，三样材料夹埋一齐食就变成系上等嘅腿蛋治。
刁草三文鱼酱伴海芦笋及威化薄片
三文鱼酱同芦笋捞埋一齐，咸咸地放喺一块无味的脆片上面，简单的小食。
西洋菜及忌廉芝士青瓜三文治
三层面包的三文治，中间夹杂著青瓜粒、西洋菜碎同忌廉芝士，好爽口，好清新，好经典的一款三文治。
青豆鹰嘴豆泥挞伴腌椰菜花及南瓜籽
青豆、椰菜花、南瓜籽打成蓉，就系一堆纤维素，好少可下午茶茶点有咁健康食品。
Afternoon Tea Set
151 浏览
1 赞好
0 留言
张贴
