喜鍋 海鮮‧火鍋‧小廚 (已結業)

香港人真係隔一陣啲打邊爐癮又會返嚟！今次黎左旺角嘅喜鍋試吓，share佢地嘅社交平台page仲會有全單八八折🤑。🐄安格斯四品盛牛天梯（$268）打邊爐最緊要嘅梗係食牛啦，牛天梯就可以一次過試晒四種牛，包括安格斯牛頸脊、牛柳粒、牛舌同埋牛展，我就最中意食安格斯牛頸脊，脂肪分佈平均，食落口都唔洗點咬🤤。🍅蕃茄濃湯雜菜鍋（$118）湯底我哋就揀咗番茄湯。入面嘅雜菜可以話係超級多，有薯仔、紅蘿蔔、洋蔥等等。蕃茄湯酸酸甜甜非常開胃，如果同我一樣唔食得辣嘅，叫蕃茄湯都係一個好選擇。🐓椒鹽雞軟骨（$48）呢個雞軟骨真係令我十分驚喜，外皮非常惹味而且酥脆，入面嘅雞軟骨亦都唔會非常難咬，有口感得來又唔會咬到牙痛🤣，真係好想encore！🦐手打鮮蝦丸 （$32）雖然$32得三粒，略貴，但一食就知值得。鮮蝦味非常出，完全唔會有雪藏味，口感非常爽口彈牙，一定係手打先有嘅質素。