影片
更多
2023-05-08
488 浏览
每隔一排就想食冒菜😆今次嚟到紅磡嘅「冒喜」過返我嘅冒菜癮先🙈 冒菜係一種傳統小食，極具川味特色，口味獨特、麻辣鮮香、菜品豐富、營養均衡。同麻辣燙稍微唔同，「冒」呢個字，喺呢度係動詞，係對一種烹飪技術嘅描述，即係將切好嘅肉或菜放入滾燙嘅湯鍋之中，灼熟撈出嚟就食得，呢個動作就喺「冒」了✔️冒喜喺一間特色廟宇裝修嘅餐廳，雖然店面不大，但感覺店家喺設計方面落咗唔少心機，無論牆壁，地板甚至係天花板吊落嚟嘅燈籠都好格調。冒菜嘅點餐方式點餐方式有啲似麻辣香鍋，任揀配菜及湯底，套餐分銅錢、吉祥、八寶，分別可揀4款、6款或8款配料，眼見配料選擇極多，滿足各種需求。如果心大心細唔知揀咩好，甚至懶得揀嘅話，亦有幾款懶人套餐選擇，例如肉食王套餐、素食王套餐、毛血旺套餐或者牛魔王套餐，已經幫你揀好曬配料，全部都會包一個主食 (土豆粉、米線、火鍋麵、番薯粉等) 、冒喜秘製醬汁及湯底，我呢啲碳水+煙韌控狂熱愛好者，視土豆粉為冒菜靈魂，必選土豆粉👀湯底方面，我哋分別叫咗重慶麻辣湯同地獄蕃茄湯，啱啱上檯就已經聞到嗰種獨有嘅香味，勾走我半個魂魄😋 而且眼見配料極多，鋪滿晒成個碗，隨便攪拌一下都已經好有食慾👀 然後個湯係好有
每隔一排就想食冒菜😆今次嚟到紅磡嘅「冒喜」過返我嘅冒菜癮先🙈 冒菜係一種傳統小食，極具川味特色，口味獨特、麻辣鮮香、菜品豐富、營養均衡。同麻辣燙稍微唔同，「冒」呢個字，喺呢度係動詞，係對一種烹飪技術嘅描述，即係將切好嘅肉或菜放入滾燙嘅湯鍋之中，灼熟撈出嚟就食得，呢個動作就喺「冒」了✔️
冒喜喺一間特色廟宇裝修嘅餐廳，雖然店面不大，但感覺店家喺設計方面落咗唔少心機，無論牆壁，地板甚至係天花板吊落嚟嘅燈籠都好格調。冒菜嘅點餐方式點餐方式有啲似麻辣香鍋，任揀配菜及湯底，套餐分銅錢、吉祥、八寶，分別可揀4款、6款或8款配料，眼見配料選擇極多，滿足各種需求。如果心大心細唔知揀咩好，甚至懶得揀嘅話，亦有幾款懶人套餐選擇，例如肉食王套餐、素食王套餐、毛血旺套餐或者牛魔王套餐，已經幫你揀好曬配料，全部都會包一個主食 (土豆粉、米線、火鍋麵、番薯粉等) 、冒喜秘製醬汁及湯底，我呢啲碳水+煙韌控狂熱愛好者，視土豆粉為冒菜靈魂，必選土豆粉👀
湯底方面，我哋分別叫咗重慶麻辣湯同地獄蕃茄湯，啱啱上檯就已經聞到嗰種獨有嘅香味，勾走我半個魂魄😋 而且眼見配料極多，鋪滿晒成個碗，隨便攪拌一下都已經好有食慾👀 然後個湯係好有層次嘅，好食嘅冒菜唔單止係單一嘅辣味，仲會感受到不同香料等複雜嘅味道，辣味同麻味一齊襲來，令你欲罷不能，呢度嘅土豆粉比較幼身，但不失煙韌，伴隨香麻湯汁滑入口中好幸福嘅呢💡 辣度方面，我揀咗微辣，完全滿足咗鮮香麻辣嘅口感，唔會太辣之餘又食到食物本身嘅鮮味。見到佢仲有大辣揀，鍾意食辣嘅朋友即管去挑戰一下🤩
张贴
