影片
更多
2017-10-05
2224 浏览
同摯友慶祝生日,決定帶佢食好啲!唔少人推薦呢一間日式小店，想食好耐！今次終於有機會來食喇😋秋刀魚刺身$228平時都成日食刺身，但秋刀魚刺身都係第一次食。秋刀魚係時令食物，唔係成日都有得食㗎，今次都係多得店員推介先食到！秋刀魚刺身的肉質幾結實，魚味都幾濃郁，唔會有好大陣嘅腥味。活海螺刺身$180這個係同秋刀魚刺身放喺同一碟上。活海螺刺身擺放在螺殼上，賣相幾吸引。味道方面，鮮甜且肉質爽口彈牙，係我嘅最愛之一。焱丸號壽司$158賣相好震撼（澎湃）😂😂餐廳好豪，用料份量十足！海膽軍艦，海膽充滿鮮味又唔鯹 ,配上紫菜，更加突出佢嘅鹹香。三文魚子、吞拿魚蓉一樣新鮮～又食到大大長腳蟹肉，真係好滋味！極之推介呢一款壽司拼盤😍😍😍活毛蟹$480活毛蟹係一整鍋上嘅，份量都唔少，兩個人食再加其他野食會好飽。毛蟹係時令食物，見店員熱情推介，所以就點咗。雖然毛蟹鍋睇落去好細，但趁滾熱咗就食底下嘅蔬菜、茹類同粗粉絲，蟹腳就會慢慢墮入湯中煮熟。蟹腳肉都好粗身，啖啖肉又好鮮甜，真係好滿足。至於最上嘅蟹蓋要好小心處理，整熱蟹腳時唔好弄瀉蟹蓋內嘅蟹膏，要等佢慢慢煮熟。(食蟹腳時要好好留意蟹蓋嘅情況，我同朋友都忽略咗，所以
唔少人推薦呢一間日式小店，想食好耐！今次終於有機會來食喇😋
秋刀魚刺身$228
平時都成日食刺身，但秋刀魚刺身都係第一次食。秋刀魚係時令食物，唔係成日都有得食㗎，今次都係多得店員推介先食到！秋刀魚刺身的肉質幾結實，魚味都幾濃郁，唔會有好大陣嘅腥味。
活海螺刺身$180
這個係同秋刀魚刺身放喺同一碟上。活海螺刺身擺放在螺殼上，賣相幾吸引。味道方面，鮮甜且肉質爽口彈牙，係我嘅最愛之一。
焱丸號壽司$158
賣相好震撼（澎湃）😂😂
餐廳好豪，用料份量十足！
海膽軍艦，海膽充滿鮮味又唔鯹 ,配上紫菜，更加突出佢嘅鹹香。
三文魚子、吞拿魚蓉一樣新鮮～又食到大大長腳蟹肉，真係好滋味！
極之推介呢一款壽司拼盤😍😍😍
活毛蟹$480
活毛蟹係一整鍋上嘅，份量都唔少，兩個人食再加其他野食會好飽。毛蟹係時令食物，見店員熱情推介，所以就點咗。雖然毛蟹鍋睇落去好細，但趁滾熱咗就食底下嘅蔬菜、茹類同粗粉絲，蟹腳就會慢慢墮入湯中煮熟。蟹腳肉都好粗身，啖啖肉又好鮮甜，真係好滿足。至於最上嘅蟹蓋要好小心處理，整熱蟹腳時唔好弄瀉蟹蓋內嘅蟹膏，要等佢慢慢煮熟。
(食蟹腳時要好好留意蟹蓋嘅情況，我同朋友都忽略咗，所以湯汁稍為煮乾了。。。)食完啲咁鮮味既食物，我哋決定叫下啲小食，叫杯野飲，慢慢傾吓計！
蟹味增甲羅燒$136
每一口都好rich ~蟹膏非常誘惑，配上鵪春蛋，更加rich 。蟹膏嘅鹹香，佐酒一流。
汁燒魚翅$48
店員在魚翅上塗上燒汁去燒，更為惹味，又係另一款佐酒必備嘅小食。
可惜對我哋兩個人來講，份量就多咗少少🙈🙈🙈
鹽檸檬high ball$58/杯
帶微微酒味同檸檬香，飲落好清新。
大有少少鹹味，令人好開胃。
好快就飲晒，好想再飲多杯🤣🤣
但都係叫店員浸兩杯熱茶俾我哋，估唔到佢啲綠茶又幾好飲喎！好夠熱，仲帶淡淡的花香。
總結覺得餐廳嘅食材都好新鮮，食到日本嘅味道！店員嘅服務好好，燒物都係佢哋幫我地燒；又會成日斟茶或者睇吓我哋有咩需要，餐飯都食得好舒服。
餐廳雖然座位唔多，但環境都算正，傾計就最啱~
张贴
