富臨薈 (已結業)

我同老公真係幾鐘意黎依度食中式fusion菜，所以知佢出左聖誕菜色就黎食🎄今次我地點左：聖誕麋鹿包🦌造型好可愛，鹿角用左脆脆咸餅乾，裡面係老公鐘意食既雞尾包椰蓉餡，但佢俾雞尾包更出色，因為佢係流心架👍🏻紅米賽螃蟹餃個紅米皮好滑好軟裡面有蛋白增加滑度，蟹肉同蝦肉好多，新鮮又彈牙。冰鎮鮑魚聖誕樹🎄依棵聖誕樹用左西蘭花做主要部份，因為冰鎮，所以西蘭花好爽口。上面灑上杞子及玫瑰花做裝飾，咬一口鮑魚，好香玫瑰花味，又帶甜，而且好爽口。海皇龍蝦扁意粉原隻龍蝦，好多肉👍🏻肉質鮮甜又彈牙個汁充滿著龍蝦湯味，意粉好滑聖誕燒春雞表面灑上玫瑰花瓣點綴。餐廳準備左剪刀，刀义同膠手袋供使用，好窩心呀咁多俾你揀～老公依d咁粗豪既人膠手套手撕方便佢，我咁斯文，梗係用刀义啦。老公一邊撕一邊「雪、雪...」聲，因為隻雞雖然最後先食，但仲新鮮滾熱辣。正因仲熱辣辣，所以聞到陣陣雞香，而且肉質好滑映雪白切糕口感好得意呀，裡面白雪雪既糯米團，好似麻糬，非常煙靭，再配外面既細細粒、細細粒既薄脆脆，真係相映成趣聖誕沙冰用左依家大熱既獨角獸裝住好靚既粉紅沙冰，飲落去，好香香蕉味呀😘而佢既粉紅色係黎自粉紅色火龍果，所以顏色天然又靚摩卡