影片
更多
2020-01-06
62 浏览
呢間係朋友推介嘅平價omakase,佢不嬲都嘴刁，所以好高期望，果然冇令我失望呀！有趣嘅一點係呢度有個養蟹仔嘅生態缸，但第一道菜就係炸蟹仔，成隻連殼食幾特別，配下面嘅安康魚肝，酸may may,夾！前面嘅係鯛魚刺身，會有啲un,但又好有咬口。北海道厚岸蠔，夠灑肥美，又有海水味，無沙當然。跟住就係帆立貝刺身，有種說不出嘅鮮味！得壹隻但係應該好大隻，先可以切左咁多件，佢啲裙邊就燒咗俾我哋食，好想食多隻。赤身，中拖羅刺身，大家應該有眼見，好厚切，成件放落口好滿足，唔使調味，正正子。值得一提嘅係呢度嘅薑片同芥辣都好新鮮，食壽司前佢俾咗個魚咀我哋食，好爽口，一樣酸may may,壽司全部都好食,厚身！但未至於好驚喜,最記得係有一款叫系撚鯛，店員介紹嘅時候我都笑咗出聲。反而好驚喜佢嘅串燒同炸物，煙肉番茄仔味道好夾，雞肉串入面又有啲軟骨，又唔會好乾身。白子天婦羅粉漿好薄，唔會好多油，口感好creamy,唔腥臭，令我完全忘記咗佢係乜嘢嚟，其他餐廳嘅白子，我平時係唔會食，所以好欣賞佢呢個煮法，好味。呢度嘅煮食係烏冬都幾大碗，有啲海帶同菇，好飽，點知仲有個汁煮螺，入灑味，仲甜甜地，爽口野最正。食埋雪糕做甜
有趣嘅一點係呢度有個養蟹仔嘅生態缸，但第一道菜就係炸蟹仔，成隻連殼食幾特別，配下面嘅安康魚肝，酸may may,夾！前面嘅係鯛魚刺身，會有啲un,但又好有咬口。
北海道厚岸蠔，夠灑肥美，又有海水味，無沙當然。
跟住就係帆立貝刺身，有種說不出嘅鮮味！得壹隻但係應該好大隻，先可以切左咁多件，佢啲裙邊就燒咗俾我哋食，好想食多隻。
赤身，中拖羅刺身，大家應該有眼見，好厚切，成件放落口好滿足，唔使調味，正正子。
值得一提嘅係呢度嘅薑片同芥辣都好新鮮，食壽司前佢俾咗個魚咀我哋食，好爽口，一樣酸may may,壽司全部都好食,厚身！但未至於好驚喜,最記得係有一款叫系撚鯛，店員介紹嘅時候我都笑咗出聲。
反而好驚喜佢嘅串燒同炸物，煙肉番茄仔味道好夾，雞肉串入面又有啲軟骨，又唔會好乾身。
白子天婦羅粉漿好薄，唔會好多油，口感好creamy,唔腥臭，令我完全忘記咗佢係乜嘢嚟，其他餐廳嘅白子，我平時係唔會食，所以好欣賞佢呢個煮法，好味。
呢度嘅煮食係烏冬都幾大碗，有啲海帶同菇，好飽，點知仲有個汁煮螺，入灑味，仲甜甜地，爽口野最正。
食埋雪糕做甜品好滿足！一定會回頭！
张贴
