金田壽司刺身店 (已結業)

見到咁多食評都話金田正，所以星期六同細妹兩個人去左金田食ｌｕｎｃｈ～～！！２點入到去，仲有１／３客人，地方算大，但係我坐個位好窄，坐得唔舒服，我無理由肥成咁呀～～不過田中都係咁，仲迫好多ｔｉｍ～～！！見到餐牌，好平，所以諗都無諗就係咁叫：１．三文魚刺身半客，有六塊，＄３６２．芒果炸蝦卷，有六件＄４８３．雜錦天婦羅，有三隻蝦，冬菇、南瓜、蕃薯，蟹柳各一，青椒有兩舊，＄４８４．中華冷面，＄３８５．日式炸豆腐，有４件＄２０叫完，等左十幾分鐘都未有得食．勁肚餓，都唔明點解刺身唔洗煮都要等咁耐。等左差唔多三個字，點知係中華冷面黎先。好失望，冷面唔太多，我諗只係落左一個面，配菜ｏｋ喇，不過個汁就唔太夠味，如果再酸多少少都好ｄ，同埋個面再凍ｄ都好ｄ咁囉，不過呢碟都得ｏｋ喇。跟住黎三文魚刺身，見個樣，顏色ｏｋ，都幾厚身，但係就太”林”喇，仲有”根”ｔｉｍ呀，唔多ｏｋ，失望，失望～！！跟住係日式炸豆腐，個皮ｏｋ，但係最重要既汁好唔得，真係無乜味～～！！再黎既係雜錦天婦羅，一個字形容－－”漏”，可能已經飽飽地既關係，所以真係覺得好難食，有ｄ想嘔既感覺，同埋又係個汁唔夠味，連我細妹平時好鐘意食都食唔落，可想