頑石燒肉所 (已結業)

西環新開 主打和牛石燒店！西環又有新石燒和牛店！呢間頑石燒肉所喺水街同皇后大道西中間，通泰超市斜對面佢裝修超有日本居酒屋感 menu主打日本A4和牛，有熊本、鹿兒島同埋宮崎牛產地既牛；仲有不同嘅部位既牛可以任君選擇！📍吉列A4 黑毛和牛牛小排 $178用咗黑毛和牛嘅牛小排做吉列牛，佢哋嘅炸皮夠哂薄，唔會成口粉同埋吸哂啲油。將其兩邊輕炙，就可以食到外脆內嫩嘅吉列牛，牛肉肉質嫩滑，有滿滿嘅油香，加埋佢哋秘製嘅昆布鹽或者蒜味燒汁，可以有效減低整體嘅油膩感。📍極上薄燒A4黑毛和牛西冷 $198黑毛和牛嘅西冷油脂分布均勻，有好靚嘅雪花，牛肉仲以薄切方式處理，所以只需輕炙幾秒就能熟透，燒嗰陣油香四溢，入口即化嘅口感，加埋其他自家製嘅醬汁就仲好味。📍升級御膳套餐（+$48)入面包括有味噌蜆湯、雜菜沙律、月見飯。蜆湯夠哂鮮甜，真係一飲上癮，月見飯用料講究，用上嚟自日本新瀉嘅珍珠米，而上面嘅蛋係生食級嘅無菌蛋，蛋味濃郁，又夠安全。📍雞皮餃子用雞皮作為餃子皮拎去炸，香脆之餘仲仍保留雞皮所帶嘅煙韌口感，而餃子有濃郁嘅雞味同埋雞油香味，令味道層次豐富不少。📍日式威士忌梅酒西柚特飲呢杯野飲同燒肉好夾！威士忌、梅