味苑 (已結業)

親愛的見到朋友post左「三隻小豬流沙包」喺fb 之後又話要去食，所以我地今日去飲茶！但晏左起身去到岩岩2點有下午茶，都好哦，又免茶介又無加一！2個人食左6樣野：流沙三小豬 （大）- 親愛的影左好耐相先有得比我食，但好彩仍然流沙，味道又唔太甜，食多個都得！懷舊灌湯餃（精）- 第一次甘樣食，但好似無咩湯，唔知懷舊係咪甘既呢？不過餡料好多，食完一隻都有點飽～香芒沙律盞 （特）- 熱氣野岩我，脆卜卜既皮上面有芒果肉同沙律醬，食落無甘熱氣，幾fresh. 水晶鮮蝦腸粉 （精）- 飲茶慣性要叫碟腸粉。呢碟既腸粉皮有點厚但蝦大隻，不過不失。肉鬆蛋煎糯米雞（特）- 之前食過類似既但太油，呢碟反蛋煎左兩面都唔油膩。多肉鬆之餘入面又有肉粒。千層薑汁糕 （小）- 發覺女人好鍾意食薑味既野，佢食晒3件，話好煙韌，甜甜地小小薑味。我地兩個後生去飲茶一d都唔怪，因為眼見好多食客年紀都唔大，外國人都有，而位於酒店既酒樓嚟講呢間幾抵食。