影片
更多
2022-04-06
453 浏览
餐廳：Jazz bird地址：佐敦文英街27號A地下Jazz Bird @jazzbirddaydayeat 起源自一隊慈善音樂樂隊，佢哋以前透過音樂表演去實行觀眾教育🎶，用音樂去話比人知精神病患者/康復者嘅需要，從而有更大能耐去接納佢哋❤️疫情喺香港肆虐後，好多表演都因而暫停，佢哋聯同一班志同道合嘅朋友同義工喺3月創立咗一個「抗疫行小組」，直至6月都會喺佐敦文英街以臨時餐廳嘅形式經營。除咗向街坊提供低碳、生酮餐單之餘，每逢週末都會出車隊去派自己煮嘅健康飯盒同防疫物資比大約100個染疫同有需要嘅家庭，希望將愛傳遞比有需要嘅人💕餐廳嘅義工們施展渾身解數，由宣傳、煮食、餐單設計、甜品製作🍰、車隊到送物資比唔同家庭都喺一腳踢，同時響應4月嘅「地球月」🌍，設計出低碳生酮餐單，連糖尿病或者有Cancer嘅人都啱食👍，而最重要餐廳營運嘅收入全部用作慈善用途、循環採購同運送物資，自負盈虧，期望能夠幫助更多有需要嘅劏房、獨居家庭，所以又點少得你嘅光臨同支持呢💪今次嚟到試咗唔少特色嘢食，包括惡蘑漢堡($140)、無罪惡牛邦尼意粉🍝($120)、蟹餅是日沙律🥗($68)、反轉麥樂雞($68)、雞蛋仔($22
地址：佐敦文英街27號A地下
Jazz Bird @jazzbirddaydayeat 起源自一隊慈善音樂樂隊，佢哋以前透過音樂表演去實行觀眾教育🎶，用音樂去話比人知精神病患者/康復者嘅需要，從而有更大能耐去接納佢哋❤️
疫情喺香港肆虐後，好多表演都因而暫停，佢哋聯同一班志同道合嘅朋友同義工喺3月創立咗一個「抗疫行小組」，直至6月都會喺佐敦文英街以臨時餐廳嘅形式經營。除咗向街坊提供低碳、生酮餐單之餘，每逢週末都會出車隊去派自己煮嘅健康飯盒同防疫物資比大約100個染疫同有需要嘅家庭，希望將愛傳遞比有需要嘅人💕
餐廳嘅義工們施展渾身解數，由宣傳、煮食、餐單設計、甜品製作🍰、車隊到送物資比唔同家庭都喺一腳踢，同時響應4月嘅「地球月」🌍，設計出低碳生酮餐單，連糖尿病或者有Cancer嘅人都啱食👍，而最重要餐廳營運嘅收入全部用作慈善用途、循環採購同運送物資，自負盈虧，期望能夠幫助更多有需要嘅劏房、獨居家庭，所以又點少得你嘅光臨同支持呢💪
今次嚟到試咗唔少特色嘢食，包括惡蘑漢堡($140)、
無罪惡牛邦尼意粉🍝($120)、蟹餅是日沙律🥗($68)、反轉麥樂雞($68)、
雞蛋仔($22)、生命之王特·飲($58)、Flat White($35)、藍莓五重奏🍰($50)、伯爵茶慕絲等，仲試埋是日阿寶無味精靚湯，真喺超級滿足🥰
佢哋整嘢食所用嘅油都喺靚油——82％奧米加9葵花籽油，比較少飽和脂肪酸，相對較健康，就算佢哋嘅蟹餅同蜜樂雞都喺炸得香而唔膩，一啲油膱味都無😋；
配埋自家製嘅BBQ醬、芥末醬、黑松露醬等比一般出面較為低糖嘅醬料，就算蘸多啲嚟食都無咁大罪惡感😈
惡蘑漢堡底面用咗兩舊蘑菇去取替麵包🍔，用埋主要以大豆為材料嘅New Meat(素肉)、芝士同牛油果醬🥑，
食落幾match比我想像中Juicy💦，唔講以為真喺食緊牛肉漢堡🤣，加埋番茄🍅、洋蔥🧅、生菜🥬等相信口感同味道會更豐富出色😎
生命之王特．飲喺餐廳嘅皇牌飲品，以沙棘、柚子、低糖tonic water等調製而成🍹，沙棘有大量嘅維他命同抗氧化營養成分，啱晒鍾意健康嘅你🤪；
呢度嘅咖啡豆喺用澳洲 Square Mile嘅Seasonal單品水洗豆，飲落比較細滑有回甘香，無咁濃味但飲落好順口，原來佢哋用咗O’LAIT嘅full Cream milk去整成Flat White，難怪咁creamy咁有奶香🥛
嚟到一定唔可以唔試甜品🎂，藍莓五重奏同伯爵茶慕絲都喺用真材實料去做，仲可以tailor made比有糖尿病同食緊生酮飲食嘅人去試，例如用羅漢果糖同低糖忌廉咁。藍莓五重奏嘅曲奇、藍莓芝士、原味芝士🧀、藍莓醬同Cream湊合成奇妙嘅層次同口感，一啲都唔膩，微微酸甜嘅藍莓香令人一食唔停口🤤；
伯爵茶慕絲仲食到粒粒茶葉碎，面頭仲有少少果仁🌰，茶香細膩夠濃郁，伯爵茶控唔可以錯過🤟
张贴
