瀛豐放題料理專門店 (已搬遷) 新店位置

早午餐主要食素為主，晚餐想豐富d,決定食個日本料理放題。見銅鑼灣有間可以食齊港日泰的選擇所以去左。來到餐廳，入去見到好多甜品選擇。我地選升級版。首輪餐廳會自動送上刺身併盤，之後客人可以透過手機再點。其他野食都係用app點。甜品飲品就自取。蟲草花燉湯足料，雞肉蟲草多，味道香醇，滋補身體好選擇。🌠刺身併盤朋友愛刺身，當然要食啦哇，隆重登場，冷煙上升，入面有齊赤蝦、希靈魚、北寄貝,，油甘魚，三文魚同鮑片等。三文魚厚切肥美， 赤蝦大大隻，食落啖啖鮮味！海膽火焰帶子望落去賣相好吸引，帶子口感嫩滑，黃色海膽入口即溶，味蕾感覺有層次感。炸物，燒物，天婦羅除上面三款仲有湯，沙律，涼菜，手卷，小食等 等，真係有過百款食物選擇。天婦羅，泰式燒元貝大蝦天婦羅香脆，啖啖肉嫩香。燒元貝，蒜香十足，口感佳。整體而言，食物選擇多，海鮮新鮮。