得閒飲茶 (MONTEREY Place)

营业中

休息中

今日突然想去飲茶諗起之前將軍澳海邊嗰度有一間餐廳夜晚都可以飲茶就決定喺嗰度食晚餐。呢度有唔同款式嘅茶類選擇，今次我哋就揀咗桂花觀音同埋玫瑰烏龍。桂花觀音飲落有淡淡嘅清甜味另外玫瑰烏龍，則有好香濃嘅玫瑰香味。焗叉燒一共有三個叉燒包外皮焗得非常鬆化，入面嘅叉燒肥瘦適中，而且甜度剛剛好。韭菜金錢蟹盒外皮炸得香脆，入邊有韭菜同埋有啲蟹肉非常香口。鵪鶉蛋松露燒賣燒賣上面加咗啲黑松露醬，再配上一咬落入邊個流心鵪鶉蛋，口感非常豐富。紫菜鮮蝦腐皮卷外皮香脆，配上中間夾住嘅紫菜增添口感。小籠包皮薄多汁蒜蓉粉絲蒸鮮魷鮮魷份量十足，咬落非常彈牙特別係底下啲粉絲朔晒d味，真係食唔停口。