尚上下夏 - 養生雞煲火鍋 (已結業)

今天跟朋友來到山林道一間叫”尚上夏下”的鋪頭打邊爐, 入到店內, 好有懷舊feel, 座低之後, 侍應馬上奉上熱茶, 給人一種好親切的感覺.簡陋但非常整潔的枱櫈,讓人想解開束縛了一整天的衫鈕, 無怐無束的暢懷在這裡大吃一餐. 我們叫了個非常特別的龍蝦湯底, 個湯翻滾時, 聞到龍蝦湯的香, 大家都忍唔住臼了些來飲, 哇! 湯底十分濃郁, 好香甜, 是龍蝦的鮮甜味, 淨係個湯都已令人十分惊喜, 特別得來又好味道! 我們將食材陸陸續續送進火鍋中, 有四寶丸, 有脆骨腩, 有鵝腸, 有雲吞、水餃併魚皮餃, 每樣食材在龍蝦湯中淥熟之後, 入口先是有龍蝦湯的濃香, 之後再食到食材本身的鮮甜, 特別是芝士丸, 它外層鮮甜彈牙, 中間的芝士又香又糯, 再加上在龍蝦湯中煮熟, 真的是龍蝦芝士丸, 令人食完想再食. 脆骨腩非常新鮮, 魚肉爽脆, 在口中咀嚼完仍然覺得口腔中徘徊著鮮甜的脆骨腩的甘香, 好味道! 鵝腸爽口, 雲吞大大粒, 裡面包的是整隻的蝦仁, 超好食! 最後, 我們用龍蝦湯煮了個出前一丁公仔面, D面索晒龍蝦湯的精華, 好食得不得了,大家將D湯及麵食到干干淨淨, 這真的是我食過的最好食的公仔