影片
更多
2022-02-16
194 浏览
DHYC巧用「得閒飲茶」嘅諧音，係米芝蓮推介嘅「益新美食館」新副線，主打新派點心，裝修時尚簡約，有180° 無敵海景，仲係pet-friendly餐廳，飲茶其實都可以好潮好嘆😍！鍋貼蝦多士 $68油炸夠晒脆口，但係又一啲都唔油膩，啖啖彈牙嘅鮮蝦，配上金黃酥脆嘅多士外皮，點少少雜果沙律醬食更加滋味😋手打墨魚餅 $42炸到金黃香脆，啖啖肉得嚟食到有墨魚粒，粉漿唔多，仲好新鮮彈牙，果然真材實料❗️XO醬炒蘿蔔糕 $88每一面都煎得啱啱好，做到外脆內軟嘅效果，自家制XO醬鮮味十足，辣度啱啱好😈蒜蓉粉絲蒸鮮魷 $48鮮魷嫩滑彈牙，蒸嘅時間啱啱好，配埋吸滿醬汁嘅蒜蓉粉絲，非常惹味😝懷舊灌湯餃 $68大家食開嘅灌湯餃通常都係用上湯浸著隻餃，但咁樣係絕對唔正宗，而呢間舖頭創新得嚟亦都有保持向傳統，將材料同埋湯汁完全包係餃嘅入面，真正灌湯入餃，食嘅時候湯汁會係口入面傾瀉巢而出🤤蝦餃 $42外觀非常飽滿，粉嫩嘅餃皮透出淡淡嘅粉紅色，代表入面係滿滿嘅鮮蝦餡，口感又軟又脆🤪玉蘭沙嗲牛肉炒麵 $108麵底係干燒炒麵，配埋香港人最愛嘅茶記沙嗲牛肉，夠晒惹味之餘，口感都好過癮😆叉燒腸粉 $48一睇外觀就知腸粉皮拉得夠
鍋貼蝦多士 $68油炸夠晒脆口，但係又一啲都唔油膩，啖啖彈牙嘅鮮蝦，配上金黃酥脆嘅多士外皮，點少少雜果沙律醬食更加滋味😋
手打墨魚餅 $42
炸到金黃香脆，啖啖肉得嚟食到有墨魚粒，粉漿唔多，仲好新鮮彈牙，果然真材實料❗️
XO醬炒蘿蔔糕 $88
每一面都煎得啱啱好，做到外脆內軟嘅效果，自家制XO醬鮮味十足，辣度啱啱好😈
蒜蓉粉絲蒸鮮魷 $48
鮮魷嫩滑彈牙，蒸嘅時間啱啱好，配埋吸滿醬汁嘅蒜蓉粉絲，非常惹味😝
懷舊灌湯餃 $68
大家食開嘅灌湯餃通常都係用上湯浸著隻餃，但咁樣係絕對唔正宗，而呢間舖頭創新得嚟亦都有保持向傳統，將材料同埋湯汁完全包係餃嘅入面，真正灌湯入餃，食嘅時候湯汁會係口入面傾瀉巢而出🤤
蝦餃 $42
外觀非常飽滿，粉嫩嘅餃皮透出淡淡嘅粉紅色，代表入面係滿滿嘅鮮蝦餡，口感又軟又脆🤪
玉蘭沙嗲牛肉炒麵 $108
麵底係干燒炒麵，配埋香港人最愛嘅茶記沙嗲牛肉，夠晒惹味之餘，口感都好過癮😆
叉燒腸粉 $48
一睇外觀就知腸粉皮拉得夠薄，咁先可以透出入面嘅叉燒餡，腸粉皮入口的確係又薄又滑，叉燒鬆化得嚟又唔會勁多肥肉😙
蛋散 $38
完全食到蛋同麵粉既新鮮，冇任何油炸嘅臭油味道，加埋麥芽糖真係夠晒完美❤️
张贴
