楚撚記大排檔 (日富里百好大廈) (已結業)

相信講起新式大排檔，大家都會諗起楚撚記，可以嘆住冷氣食大排檔嘅茶式同小炒。之前食過佢地土瓜灣分店，今次試下西環分店，呢間分店接受online/whatsapp book位，所以好建議大家book定位，因為佢地平日都幾爆。整體嚟講，所有菜式都發揮正常，味道OK，份量偏少，鑊氣並唔強勁，所以視乎大家想嘆冷氣坐得舒服啲，定追求出面大排檔嘅超強鑊氣啦🤣黃金椒鹽粟米 🌽 $69椒鹽味唔重， 反而咸蛋味突出，食到咸蛋黃沙沙地嘅口感，偏油膩。