蜀一燒串燒專門店

营业中

休息中

果晚同男友兩個人去食串燒，叫左好多野食，食到飽飽。最正係羊架，好多人會覺得羊有陣騷味唔中意食，但我地又唔係好覺，而且呢度燒得又香，又唔會乾，仲有3塊咁多。佢有好多特色野(唔知係咪因為我冇食過，我真係覺得幾特別下)，好似燒香蕉同鵝肝多士咁，平時我去食串燒淨係會叫肉類咋。我地叫果個鵝肝多士其實唔錯，鵝肝又夠肥，多士又夠脆，只係我有少少覺得將呢兩樣野放擺一齊怪怪地咁。另外我地仲叫左碟花甲.…其實我唔係太鍾意食，係男友鍾意，不過呢度都整得ok既。其次係雞翼同牛舌，雞翼好似燒得黑左dd，但冇影響到味道，而牛舌好香，又大塊。呢間野好好味，下次book定位再黎食。