蜀一燒串燒專門店

有時行過都會聞到好香串燒味，今次終於的起心肝入去食，原來佢仲有樓上2樓，唔洗擔心冇位～入到黎見佢寫住慶祝12年🫣食物選擇好多，肉類丸類蔬菜海鮮都有，唯一美中不足就係冇咩澱粉質，本來想睇下有冇烏冬/酸辣粉送下串燒，點知淨係得撈麵/白飯🤣🤣嗌咗好多款食物，重點推介幾樣啦⬇️雞軟骨串($32/2)：火候控制得剛剛好，口感juicy唔會乾爭爭淨係食到舊骨燒牛舌($28)：厚薄大小剛剛好，一樣火候適中，唔會太韌燒多春魚($28/5)：平時出去食燒肉，燒親多春魚都fail🥲哩度$28就可以有5條仲完全唔洗辛苦自己燒，必食啦🤣煙肉芝士焗蒜蓉包($18/2)：男朋友好鍾意食蒜蓉包，哩度嘅蒜蓉包鋪滿煙肉芝士，再加埋蒜蓉，熱辣辣咁入口，真係極邪惡😈順帶一提，侍應叔叔態度好親切，令人食得好舒服，值得一讚☺️…查看更多

值得一試既串燒！火喉控制得幾好 不過調味略嫌濃😂 適合重口味人士！$100 3隻蟶子性價比十分高 夠大隻加新鮮不過有少少少老雞軟骨串 滿分 必點燒茄子 8分韭菜 7分肉類調味正常燒蠔 必點 大隻新鮮燒菠蘿🍍必點 新鮮菠蘿（食完無肚痛😎）…查看更多

前幾日系佐敦同朋友霖住食串燒 就利左呢間野 中哂伏 D野唔好食 一味辣 韭菜又大條吞都吞唔落 D野食又貴根本唔值 煙又大燻到人成陣燒烤味 兩個人食左九百幾 重點系唔知食左乜肚屙左幾日 搞到工都返唔到 要清腸胃既朋友可以試下…查看更多

串燒有邊個會係唔鍾意？🤔總之小編就好愛吃啦，去親佐敦都會黎食呢間，佢哋餐廳有兩層地下面積比較細，叫串燒緊係要叫中辣！！😋佢嘅辣度都係小編接受到嘅， 極度推介佢哋嘅鐵板燒魷魚鬚同蠔，佢哋既蠔唔係蠔仔咁細粒，係大大粒畀你呀😍 而且佢哋串燒嘅種類有好多畀你哋揀所以選擇困難症又上線啦🥴…查看更多

第一次黎 叫串燒全部唔辣 就全部都辣 同職員講 問返我想點 之後竟然比支凍既水同隻碗我 凍水浸返啲野食？會唔會奇怪左小小？不知所謂 價錢仲唔係話平 野食一般 然後仲要有啲咁既態度 以後都唔會再幫襯…查看更多

今晚我自己去油麻地遊一遊...行行吓見到一間特色燒烤店...就走入去試吓...見到Menu都有幾多選擇首先我食呢個芝士腸...真係好好味....燒得夠香口...食完我又再次多一碟呢個韭菜又係我叫咗兩次嘅選擇食落去唔痴牙係我必食之選翠玉瓜都算可以不過呢個煙肉蘆筍就一般般...煙肉太過鞋口...而且蘆筍有少少乾花枝丸都一般般不過呢個芝士煙肉大花菇都幾ok✨✨✨最後叫咗呢個三文魚扒.....食到飽一飽今晚總算滿載而歸…查看更多

夜晚諗住買個外賣食, 一開始見佢五十蚊個雞扒飯 ,價錢幾合理呀! 其實對面有間串燒舖 附近仲有唔少嘢食,見呢間嘢有少少名氣 就係呢間買啦!跟手加多兩件雞翼諗住拎返去加餸, 哇一打開, 真係有圖有真相, 啲雞扒得嗰一細舊,應該得個半塊。真心對得住你個價錢咩!? 唔係講咩 兩啖都已經食曬。最後補充多句,我加埋嗰幾隻雞翼 都撈唔曬啲飯食,可見佢啲份量係幾咁少味道又麻麻地,真心第一次加埋餸再加原本個餐仲撈剩一半飯。今餐當跌左,不可一不可再。…查看更多

第一次去食蜀一燒的串燒聽講好好味，果然冇失望我地五個人唔夠位坐，所以上左樓上食，環境好有家庭feel。可以選擇的食物超過50款我最鐘意雞中翼，雞翼尖，牛舌，茄子，芝士年糕係最好味！佢地所有食物即叫即燒😆燒得啱啱好！唔會太窿唔會太乾！加咗辣仲好食😋所以除咗第一round冇叫辣，之後都有加辣好適合一班朋友來食～～…查看更多

一提起佐敦必定想起食串燒，食開嗰間執咗笠，米試對面街呢間囉，見咁多人食一定冇死。首先order 咗個必食之選燒茄子，茄子燒得入味，茄子面鋪滿蒜蓉！正！我哋仲叫咗個蒜蓉花甲，兩客燒韭菜花，一串燒牛利，一客蒜蓉生蠔，呢個生蠔，超肥美超juicy! 約100元，5大隻，十分抵食！另外叫咗個焦糖蕃茄，覺得好得意咪叫來試吓囉，酸酸甜甜咁面頭塊焦糖脆卜卜好得意的口感！ …查看更多

香港人有時翻工翻到好夜又大壓力梗係約埋d老友飲酒飲食下野吹下水 有一晚開會開到好夜 咁岩經過佐敦 就同同事講不如食下串燒飲下酒一去到老闆好熱情 又介紹我地今日有咩新鮮野 點食先最好食 一打開份menu 我就已經我既最愛 係蠔呀 😍燒雞皮 燒三文魚都好正呀救命 🆘過左幾日我又黎左 老闆同其他店員都認得我 果段時間比較多人 老闆好快就係對面街開左張枱比我地幾個女仔坐 仲放低埋個對講機 話怕我地同事有時見唔到我地 真係好細心好底讚 又一如往常叫左燒蠔食 勁肥勁甜 又大隻👏🏻入面完全無沙好新鮮 坐坐下坐到都3點 真心推呢間小店…查看更多

某日星期一放工後，即興想食串燒🍖，👫兩個人就嚟到佐敦呢間蜀一燒諗住食好嘢。鋪頭分為兩層，地下舖面面積細， 老闆就叫我地坐上2樓。2樓樓底唔算高，不過地方比較寬敞。但如果大家想安靜啲食飯，我建議大家坐樓下。因為樓上樓底比較低，所以一大夥兒食飯就會好嘈。🍗🍖🥓🥗食物方面，我熱烈推介燒扇貝，真係燒得好好食，而且扇貝好新鮮。燒蠔我就覺得一般，可能因為啲蠔唔太新鮮，所以影響佢嘅味道。🥩肉方面，我地點左牛，鴨胸，牛舌，羊肉串，我個人覺得和牛真係可以唔使試。🍆菜方面，BB蘆筍燒得幾好食，但係秋葵就真係好硬，茄子略嫌有啲油。食得辣嘅朋友，不妨試吓大辣或以上，因為我本身唔係好食得辣，但係叫中辣都仍然可以接受。當然叫番杯🍧凍冰冰嘅嘢飲就一定要啦。…查看更多

食過好多間串燒，真心好食既其實唔多，蜀一燒算中規中矩。食物平均都ok, 唔會覺得好好食，但又唔算好難食。最負評既係個清酒花甲，完全無清酒既香甜，只有苦澀，d花甲又好似發育不良甘😐 燒蟶子價錢偏貴，又燒得過熟，扣曬分。其他野一般般啦，個鵝肝算係最出色。如果無咩要求都可以食下既。…查看更多

We have been here a couple of times and the service is always friendly and nice. I really enjoy the spices they put on their skewers and the spicy ones are so delicious. Packs a bit of heat!The clams are my favorite. The ox tongue and the eggplant is great too. Opens till late! …查看更多

同朋友收工後去食，2個人點左大概9樣嘢，但佔半數都唔值呢個價錢!牛仔骨$32 ，竟然切碎上，⻣有3舊，但肉就得1塊仔既份量!!!!!鵝肝多士 $55 ; 黑松露鵝肝多士$65差十蚊就係差在果俾粒米還要細既松露!!!而且鵝肝又細塊，個多士又燶!!!雞扒$22搞錯!又係切碎哂不特止，又無味份量又少!!!燒茄子$30味道可以既，但都係唔值呢個價!!!!以佢呢啲食物質素同價錢重要有加10%真係唔會再去幫襯攞!!!!!…查看更多

半夜想搵食 好自然搵串燒 之前都想食呢間不過佢收左工 今次終於試左 仲食左好多野 主力講其中幾樣茄子還可以 不過覺得可以再入味啲 因為你會覺得好似茄子同蒜係分開甘焗蠔好味 感覺好新鮮 爽口 蠔味海水味重 推介牛舌可以 不過偏淡少少…查看更多