Studio Caffeine (廟街)

营业中

休息中

佐敦出名多嘢食，餐廳種類又多，但都冇理由經常小炒或者火鍋，有時都要試下新嘢，何況仲要得一個人開餐。一個人最好就係嘆下咖啡，呢間餐廳座位唔算多，可能係 sale 輕食，慢食同埋精品咖啡嘅關係，所以個個食客都好悠閑咁起度傾下計，嘆美食嘆咖啡。我點咗煙肉芝士配牛角酥伴田園沙津， 蜜糖蕃茄意式肉丸意粉再加一杯手作咖啡。煙肉芝士配牛角酥伴田園沙津，煙肉連埋芝士夾在鬆脆的牛角酥内，一口咬落去，酥皮鬆脆到立刻粉碎起隻碟上面，煙肉又岩岩好，唔會好乾身，咸香味足，配埋芝士真係一流。意粉上面有好多新鮮茄肉，豬肉丸好鬆軟，有好多肉汁，茄汁有少少酸但配埋肉丸嘅肉香味，味道剛好，而且每一啖嘅意粉都能夠沾上茄汁，good !由於咖啡係手作即製關係，所以店員好细心，同我講要用餐之後再上。咖啡師為我選用來自肯亞的咖啡豆，與一般咖啡豆味道唔同，它入口帶酸，咖啡豆未磨前果味比較濃，磨成咖啡粉後，咖啡獨有嘅甘香味就滲出黎，咖啡熱飲嘅時候，果味冇咁濃，當溫度略降後，果味更突出，味道層次豐富！