Zeffirino 風情畫意大利餐廳 (已結業)

人生在世，間唔中應該俾自己嘆一嘆；上週末，就獎賞自己去食左餐豐富的brunch~　Regal(雖自稱五星)當然唔可以同Pennisula/洲際同日而語，與Sheraton甚至屯門黃金海岸酒店都差好遠~ 不過位於31/F o既Zeffirino有高層優勢，餐廳裝潢亦比大堂好，古典而舒適，感氛幾好~ 　當然，最緊要係食物。首先每檯都有一籃新鮮麵包籃，賣相討好，味道中上，配搭意大利黑醋認真唔錯~ 然後有antipasti buffet，有多款ham、salmon、salad等；ham唔夠新鮮，salad就幾好，其中有款蕃茄mozzearella同海鮮salad幾得我歡心~ 餐廳又有即叫即製pasta，卻原來味道極差，不試也罷! 最後試dessert buffet，平均水準幾好，其中creme bulee & Tiramisu令人有驚喜~ 整體食物合乎預期，飲埋杯咖啡，飽哂滿足哂~　服務唔錯(雖然都係應份)，令成餐食得好舒服。同意依度未有五星級水準，之不過，付出3-4星價錢($198+10%)，何苦期望過高？知足，人先會常樂嘛~