睿海御宴 (已結業)

難得放假，揸車出去。揀咗大坑附近搵食。幾個朋友想食中菜，試咗間新新地又靚靚地嘅中菜！最好係有散叫有套餐，選擇困難症嘅我哋就點咗套餐。4位$1580 。前菜、燉湯、椒炒花甲、柚子脆蝦球、蒜片和牛粒、炸子雞、杞子魚湯雲耳浸時蔬、櫻花蝦瑤柱蛋白炒飯、甜品。飲完熱茶等上菜！前菜炸銀魚仔好脆好香口，好脆口好快食哂~醃苦瓜味道酸酸甘甘地，好開胃！炸合桃好香，我食唔停！之後西洋菜湯夠火候，好耐無飲，久違嘅味道呀！和牛粒好香好味道！蝦球用左柚子汁感覺好fresh! 炸子雞充滿靚靚油光，脆卜卜嘅外皮，雞燒到好香！櫻花蝦炒飯提鮮，杞子魚湯雲耳浸時蔬感覺健康養生～最後點少得甜品？有布甸同桂花糕呀！