Mark One (已結業)

山長水遠走到炮台山見客，午餐自然想食得好一點補補數“胃勞”下自己。客人喜歡吃西餐，當然馬上換個西人樣一齊享受下。我們到了餐廳的一樓用膳，而非地舖；環境比較昏暗，好在還睇到菜單。我們來了set lunch 四份，有贊有彈。南瓜湯OK，尚算可以，湯身算厚但不至於eat soup的地步，感覺幾好，creamy，可惜南瓜味就唔係好出，可以算係淡口左d。黑松露豬排意大利飯豬排，好! 食得出佢真係燒出黎，熟得唔會過份，火路控制得很好，值得一贊，我估佢可能燒完再焗，咬落去係鬆化，而唔係死實。意大利飯，唔好! 未食過意大利飯係咁，別家的意大利飯係好糊口，好creamy，每粒米都有汁汁包住……這店的竟然有超過四成飯係乾身，而且硬。甜品綠色雜果jelly，無乜特別，不值一提餐飲熱咖啡，尚可。每餐後我都喜歡以熱咖啡作結，除了可以消肥膩，亦可清清口腔內的食物味道。Mark One 的咖啡屬於light body，入口不會太重，苦味比較重，我覺得這是一個不錯的句號。如果主菜只有豬排，我諗我會俾這餐廳一個推薦，但個飯實在過唔到自己……但我會再來……(好快又要過去見客)希望下次會好d