Mark One (已結業)

經常都會黎幫襯。有地面同一樓舖比較易有位。午餐menu每過一段時間會換一換。都係會有spaghetti/risotto/steak揀。而lunch set包左soup+bread+main+drink。$6x-$1xx不等。算係十分抵食。之前試過佢個牛肉石頭鍋飯味道麻麻。今次都係揀番sirloin steak穩陣啲。除左紅湯。另外會有一個soup of the day白湯揀。白湯日日唔同。非常有誠意。餐包雖然係來貨。不過每次都會整番熱先上枱。今次舊牛整得好高質。medium煎得十分恰到好處。雖然肉味唔太濃。但肉質嫩得黎有啲爽口位。仲可以揀配飯/意粉/薯蓉。餐飲凍飲都唔駛加錢。$128 full set lunch。性價比十分高。

今日約咗舊同事食午餐，於是就去我哋嘅老地方”mark one”食。以前我仲喺炮台山返工嘅時候成日都同同事嚟哩間餐廳食，我哋嘅例牌係牛扒，其實餐廳每隔兩個月左右就會換新Menu，不過食材主要都係嗰幾樣，只係通常煮法會有少少唔同，或者醬汁會唔同。今個月原來係炭燒紐西蘭肉眼扒，而是日餐湯係南瓜忌廉湯，我order 左哩個湯同五成熟嘅牛扒，薯菜轉左跟飯。佢哋先上餐湯再上餐包，餐包係有焗過，所以外脆內軟仲有少少熱，而牛油可以自己選擇搽幾多。今日個南瓜忌廉湯同平時飲嘅有少少唔同，我覺得有d甜味，似乎落左甜粟米但係打碎左，好飲！牛扒的確做到五成熟，而且放落口真係食到炭燒嘅味道，之前幫襯過好多次都係order牛扒，次次都保持到水準，永無失手，超讚👍🏻反而今次嚟，覺得個服務差左，除咗因為人手唔夠之外，有個侍應好似唔知自己做乜咁，要收嘅碟又唔收喎，成日掛住睇電話，我地等左兩分鐘先至叫到佢埋單。

令一心希望有西式氣氛慶祝情人節的我，感覺置身於大排檔之中。因受到對面藍燈招牌影響，會影到成個人好紫色，完全無心機影下去。訂位時職員沒有提出最低消費。我地揀左生牛肉薄片配自家製黑醋芝麻菜沙律同埋意大利香芹黑醋汁炒酥炸尤魚圈配黑松露沙律醬。牛肉薄片比想像中好食，上佢地既黑醋汁同芝士片，易入口而炸尤魚圈好濃黑醋味，量好多，埋黑松露沙律醬好香好好食。，一定要介紹個黑松露菌帶子伴法國羔蟹意大利飯，每次帶朋友嚟到。下次繼續。

雖然好耐冇去，值得一讚👍🏻食物水準唔錯，老闆娘亦都好好人😊今晚嘅蠔好新鮮，我哋四個每人order左兩隻。之後我選擇咗香煎鱸魚配檸檬牛油汁同牛肝菌忌廉湯。我朋友就叫咗黑毛豬鞍配龍蝦湯，出乎意料之外非常好味😋，另外炭燒羊架亦都唔錯👍🏻。最好就係我哋自行帶酒冇開瓶費。今晚全場爆滿，最好氣氛亦好澎湃😂😂😂老闆娘同我地有傾有飲，所有人都好開心🥳如果要包場搞Events, 三，五知己開間VIP房食飯亦都係一個好選擇😉

2019年2月14日到Mark One 慶祝情人節。職員安排坐在地下樓層對街景位，沒有任何窗簾裝飾，令一心希望有西式氣氛慶祝情人節的我，感覺置身於大排檔之中。因受到對面藍燈招牌影響，會影到成個人好紫色，完全無心機影下去。訂位時職員沒有提出最低消費，去到餐廳點菜時，侍應卻說因情人節關係，每人最低消費$600。情人節套餐$1288，心想2人的話也差不多價錢，就直接點了情人節套餐。一開始的頭盤，湯，小食，公道點說是很正常的。主菜就真的令人非常失望。因男友不吃牛羊，在點菜是特別說明要將其中一道主菜改成豬。第一道主菜來的時候，是一道牛。我們向侍應查詢，說明我們點的是豬不是牛，她卻指住牛扒說是豬肉。我們再向幫我們下單的侍應查詢，她非常有禮貌，說是廚房出錯，會幫我們更換。第2道主菜來了，是金目鯛，賣相非常差，零擺設技巧，魚質非常「鞋口」，基本上唔覺得食緊魚。食香味皆無。等了一會，豬的主菜終於來了，很驚訝，一切下去，入面還未熟，是生豬肉，還有少許血水滲出來。我們立刻向侍應（不是下單那位）反映，她好像若無其事似的，施施然收回碟未熟的豬肉。再等，第三次上碟，只是用同一塊豬再煎，這次是熟了，因為直接翻煮，整

今次係天后試左一間裝修幾靚既餐廳 可能因為位置問題 客人唔多 不過真係坐得好舒服 侍應service都好好 成日同我地傾計好有heart👍🏻先講 Appetizer 我地揀左生牛肉薄片配自家製黑醋芝麻菜沙律同埋意大利香芹黑醋汁炒酥炸尤魚圈配黑松露沙律醬👅 生牛肉薄片比想像中好食 配上佢地既黑醋汁同芝士片 好易入口👍🏻 而炸尤魚圈好濃黑醋味 份量好多 點埋黑松露沙律醬好香好好食😋然後叫左個法式龍蝦湯 不過就無乜特別 用既係蝦肉 唔算新鮮🙊Main course 就試左餐牌上面有3隻手指公必試既黑松露菌扒帶子伴法國羔蟹意大利飯 上面有好多蟹羔同黑松露 好香濃好好味 飯既較硬度亦適中😋最後我地揀左法式焦糖燉蛋 冧酒浸橙配雪糕做我地既甜品🤗 好濃蛋味好creamy 好滿足😛

一間踏入十年香港人主理法國餐廳🇨🇵屹立不倒是一件很不容易的事，重要由一位❤️靚靚老闆娘統籌，我覺得Mark One 服務態度好認真又細心，入門口餐廳Waitress 已經笑笑口，帶你入座，之後好快送上兩坏暖水，仲要提點小心熱，今時今日服務態度真的好難搵👍今天 Christmas Eve, 所以我地1個月前已經Book枱，Mark One 除了有地鋪，仲有隔離商業大廈1字樓，地舖經常彼顧客包埸用作 Birthday Party🎂Or After Wedding Party💒可以容納40至50人，1樓設有兩間 V. I. P房📺細房可容納約14人，大房約20人，除了我會Pose今晚既食物照，一定要介紹個黑松露菌帶子伴法國羔蟹意大利飯🦀我每次帶朋友嚟到Highly recommended🦀 個個都食到👍👍👍大家嚟到必選蠔，超級新鮮，因為流量快，講返今晚總共六道菜😋😋😋請睇相🎞️

以往光顧很多不同地方、此情此地，此終這裡最好!! 老闆娘用視每位客人為密友、員工熱情款待、星級新總廚的藝術美感、食物質素繼續保持極高水準、環境寧靜及舒適、又免開瓶費，每道菜都有專人介紹及有足夠時間去細味品嘗過中的味道。唔限時段訂位、唔趕客走、唔趕做下輪生意的良心店，現世代實在難找!! 最重要係收費極合理，三五知己談天說地、飲包食醉的最好地方。每有朋友生日聚舊....終於想起這裡的人、這裡的食物、這裡的人情味!

Mark One 今日lunch 同一大班同事一齊食飯。因為一大班同事都有成6-8個，所以要搵d大間餐廳同多d位既。天后有一間mark one 有成兩層樓，所以有很多位，可以容納最多60人。餐廳環境方面，暗暗的，很有氣氛。同時，空間感好好，坐得很舒服！而服務方面還算不錯，老闆娘同某待應行動很快，記憶力好好！至於食物質素方面，真係視乎你叫咩野食！當天我和同事只要叫左2個類型的午餐，包括雞肉胡麻醬冷面和肉醬意粉。e到時候午餐係會包餐湯，餐包，沙律，主食，甜品和飲品。餐湯有紅湯同白湯，本人兩個都試過，覺得紅湯好飲d，重蕃茄味多d，岩森仔我既濃味怪！雞肉胡麻醬冷面：e個幾好食，份量幾足。胡麻醬好濃味，配上彈牙冷面，好吸引，令人食不停口！肉醬意粉：由於森仔我好鍾意蕃茄汁，所以肉醬意粉好吸引我，令我一見到即叫。不過，e個有d椰汁味，令到個蕃茄味不夠濃同突出。同意粉煮得林了點，可以處理得更彈牙！甜品係是日限定的，果日係紀子甜糕，好清甜，解暑！整體而言，價錢大約70-80（有9折）。食環境，氣氛和舒適度係值既！不過最好有多d時間，就可以好好享受😂👍🏼👍🏼👍🏼

木星街條街都有幾多餐廳，當晚打俾住附近嘅朋友問有咩好食，佢介紹咗Mark One，去到冇開門，原來我睇錯左一樓至係大本營，地下原來開party，當晚佢都飲咗個湯有趣有趣，三色湯，飲咗三種唔同味道，最喜歡龍蝦湯，跟住靚靚老闆娘過來，問我地想食咩，我當然問佢最出名係咩啦，佢介紹咗西班牙蟹飯，同埋斧頭扒，佢話斧頭扒去限定，斧頭扒一到，全部人話話聲，大過我塊面😂最開心，老闆又請我地飲酒，甜品又請，抵抵抵平均每人都係450，冇得輸

補番個Happy Friday Lunch系列！ Team lunch farewell出事，人多關係，要不飲茶，西餐都必定選Mark One，貪可以包到房。午餐價錢，西餐廳黎講，Mark One算係平民價錢，但會食到好東西，仲要係夠飽！今日Set lunch 有豬扒、牛眼扒、羊架等等，但我都係揀至愛三文魚扒，因為營養價值高💯。Set lunch 包餐湯、餐包&飲品。 呢度餐湯都飲得出係自己淆製而成，非罐頭湯。香煎三文魚扒（$108）三文魚夠大份，而且食到魚腩gei位置，食落好rich感覺，同事試左啖都話好味。另外有青瓜做配菜，似用少少油煮熱，再放響三文魚底下，吸哂三文魚油，又香又開胃。餐可以選薯菜/飯，我選擇左飯🍚

燈光偏暗，睇吾清楚食物。白色枱面發黑。面包茶餐廳質素。涷檸茶糖水不另上。牛扒用左大量鬆肉粉。冇肉味。煎扒冇洗鑊，好大燶味。薯蓉無味。甜品喱呢。$130 一位。不值。比一般茶餐廳的牛扒更差。

試過一次之後就沒法忘記，環境ok, 實在好食﹑海鮮夠新鮮﹑我最愛佢既生蝦同蟹蓋飯，真係好食到不得了。加上這餐廳不用收corkage, 又有足夠既酒杯供應，好專業，個老闆娘又好好人，同我地一齊飲，非常直得推介既一間餐廳。

係炮台山平時食lunch多數食普通茶餐廳，但係有時會食得悶，加上今日有同事生日，就豪豪地食一次西餐。呢間西廳餐有2層，可以選2樓或地下，不過食野無所謂啦，最緊要唔使等。入正題- 有頭盤沙律 -紅湯或者白湯 - 烘熱咗嘅麵包-主菜有十幾款：有豬扒🐷 ,牛扒🐮, risotto, 三文魚意大利粉等等，樣樣份量充足。今次我就選了牛扒，要七成熟，牛扒整得剛剛好，又大件，大滿足-食完主菜後，仲會有甜品提供 （甜品仲次次唔同，時不時有驚喜作品）

Set dinner 價錢由$278 ~ $688 不等. 包括：1）頭盤帶子青蘋果糖芥末籽沙律～沙律個汁超好味, 而且份量幾大!2）湯有四,五個選擇. 我哋㸃咗南瓜蟹肉湯同龍蝦湯(+$30). 兩個湯都好飲. 但龍蝦湯要額外加$30就覺得有啲唔太值!3）主菜 - 分別揀咗12oz 炭燒頂級美國安格斯肉眼扒配黑椒汁同黑松露菌扒帶子伴法國膏蟹意大利飯. ～ 牛扒點咗六成熟, 可能因為用炭燒, 所以塊扒好香好juicy! 個 Risotto 好得, 帶子好新鮮, 而且味道好濃! 份量啱啱好!4）甜品 - 心太軟配雲呢拿雪糕👍5）餐茶Overall, 覺得間餐廳無論喺食材, 味道同服務都比到人好有heart既感覺! 已經去過兩次, 會再encore!