Antidote

营业中

休息中

因為好想食韓國嘅生醃醬油海鮮，喺網上搵到呢一間餐廳，於是就同朋友一齊嚟試吓。餐廳環境寬敞，燈光比較昏暗，幾有情調。呢度嘅服務員韓國人為主，但都可以用簡單英文溝通。同絕大部份韓國餐廳一樣，呢度都有幾款前菜小食，而且係可以再添嘅。生醃醬油海鮮拼盤：好幾款生醃醬油海鮮都想試，但又有選擇困難症，於是就嗌咗個咩都有嘅海鮮拼盤。海鮮拼盤有蟹、蝦、八爪魚、鮑魚、三文魚，每款海鮮都非常新鮮，蟹有勁多蟹膏，蟹肉夠鮮甜，蝦大大隻，肉質新鮮彈牙，三文魚厚薄啱啱好，索埋醬油好入味，最有驚喜係鮑魚，煙韌有咬口，八爪魚鮮嫩爽口，欣賞佢既醬油味唔係死鹹，帶着微微嘅甜味，不知不覺食咗好多飯😂特色豬手：豬手肥瘦均勻，外皮彈牙有嚼勁，肉質夠軟腍嫩滑。另外仲有生菜青瓜醬汁等配料一齊食，減低油膩感。