影片
更多
2019-03-19
37 浏览
鬼仔同事嚟香港出差，一年前去英國出差好熱情招待我，今次當然要禮尚往來，幾經挑選之下帶咗佢去Cubus 28食好西。Cubus 28係酒吧餐廳，黑色為主色調；餐具全部都係金色，播放住流行英文歌，好有格調。位於28樓望出去見到璀燦夜景，見鬼仔笑顏逐開就知道冇揀錯地方～精挑細選當然唔單止因為環境啦，以為我帶佢嚟飲啤酒食薯條漢堡Fish&Chips？錯啦，呢度係食中西合璧Fusion菜，【Tasting Menu $628/person】有齊前菜、湯羹、主食、點心、甜品。前菜【手撕法國鵪鶉伴海膽汁海蜇】撈咗海膽汁嘅海蜇嘅上面係手撕法國鵪鶉。鵪鶉肉嫩，淡淡海膽汁味嘅海蜇冰涼爽脆，可以加埋側邊嘅薄脆條一齊食，多重口感。湯羹【花膠螺頭片波士頓龍蝦湯】湯料有花膠、螺頭片、龍蝦鉗肉。龍蝦湯味道鮮美，落咗啲忌廉感覺香滑。花膠彈牙，配上龍蝦湯又幾夾。點心【竹碳甘荀汁黑毛豬咸水角】三個咸水角形狀似南瓜，上面仲有一抹金箔。鬼仔之前好少食點心，見到造型精緻、皮脆饀多、味道甜甜地又咸咸地，覺得好新奇，仲瘋狂影相post上IG。主食【盆曬生抽乾炒安格斯牛河】盆曬生抽係用靚料同長時間製作，用嚟炒河粉鮮味突出，再加上落咗
Cubus 28係酒吧餐廳，黑色為主色調；餐具全部都係金色，播放住流行英文歌，好有格調。位於28樓望出去見到璀燦夜景，見鬼仔笑顏逐開就知道冇揀錯地方～
精挑細選當然唔單止因為環境啦，以為我帶佢嚟飲啤酒食薯條漢堡Fish&Chips？錯啦，呢度係食中西合璧Fusion菜，【Tasting Menu $628/person】有齊前菜、湯羹、主食、點心、甜品。
前菜【手撕法國鵪鶉伴海膽汁海蜇】
撈咗海膽汁嘅海蜇嘅上面係手撕法國鵪鶉。鵪鶉肉嫩，淡淡海膽汁味嘅海蜇冰涼爽脆，可以加埋側邊嘅薄脆條一齊食，多重口感。
湯羹【花膠螺頭片波士頓龍蝦湯】
湯料有花膠、螺頭片、龍蝦鉗肉。龍蝦湯味道鮮美，落咗啲忌廉感覺香滑。花膠彈牙，配上龍蝦湯又幾夾。
點心【竹碳甘荀汁黑毛豬咸水角】三個咸水角形狀似南瓜，上面仲有一抹金箔。鬼仔之前好少食點心，見到造型精緻、皮脆饀多、味道甜甜地又咸咸地，覺得好新奇，仲瘋狂影相post上IG。
主食【盆曬生抽乾炒安格斯牛河】
盆曬生抽係用靚料同長時間製作，用嚟炒河粉鮮味突出，再加上落咗好多芝麻就更香口。牛肉用安格斯牛肉，口感軟腍兼肉味濃郁。鬼仔係第一次食已經被佢深深吸引，邊食邊讚。
主食【香煎西班牙伊比利亞黑毛豬鞍】
勁厚切嘅西班牙黑毛豬鞍，切落去已經見到肉色粉嫩。嗒真啲覺得肉味豐富之餘仲帶點肉香。配上熱辣辣出緊煙嘅燒汁味道更豐富。配菜係軟滑薯蓉，食完唔覺膩滯。
甜品【火焰橙酒法式焦糖燉蛋】
店員將橙酒點火再淋喺焦糖燉蛋上面，燒到尾聲開始聞到橙香味四散。焦糖香脆而燉蛋軟滑，帶點橙味都幾特別。真正色香味俱全。
餐廳裝潢雖然帶點Cool嘅風格，不過食物夠熱，服務亦細心。當晚有食客生日，仲放冷煙花助慶。鬼仔就非常滿意，一嚟環境夠好食物美味，二嚟又奉獻咗佢第一次⋯⋯食乾炒牛河，仲話返到英國一定要搵間中國餐館食添。
张贴
