喜鍋 海鮮‧火鍋‧小廚 (已結業)

對於一個打邊爐控黎講，基本上真係無邊爐不歡，平至貴都好，一個星期食足七日都無問題。今次就黎到位於旺角上海街既喜鍋。不同種類既小菜小吃都有，但最主要都係火鍋。地方唔算太大，座位分佈平均，令到每枱客人都可以坐得十分舒適。眼見每位侍應同客人都有講有笑十分融合。一位貌似老闆既身影走過黎向我地推介本店既美食。因應我地既口味而作出推介。首先火鍋最重要既當然係鍋底湯底，花膠鯊魚骨膠原鍋，可以話係振店之寶。花膠滑身爽口，唔腥又唔潺，而且肯定係長時間煲燉。鯊魚骨含大量骨膠原而且又係勁爽口，配合上花膠，簡直係爽爽爽，而且勁補味道鮮甜。甘香泡飯，脆卜卜，配上花膠湯又變成另一個口感，一種食物兩種食法勁正。麻辣豬耳，爽口入味，而且令人十分開胃，係火鍋開吃前既必食良品。蟹籽墨魚油炸鬼，又係另一款必選小食，脆卜卜油炸鬼，夾住新鮮爽口彈牙既墨魚滑，加上少許蟹籽點一點，勁足料，又提升一個層次。食完小吃墨魚滑，整翻個打邊爐墨魚滑，同樣新鮮爽口彈牙。仲有一個墨魚面，師傅包好左，自己按想食幾多既份量黎啫落鍋。重頭戲牛魔王塔，三層式架。有本地既牛頸脊，安格斯牛頸脊，手切牛粒，每款黎自不同地方不同部位既牛都有不同口感，滿足曬不同