彩aya

营业中

休息中

食完灣仔間和牛沾麵後，聽朋友講係香港站都有間沾麵好好食😋所以專成過黎試一試，位置有d夾攝，搵左一陣先搵到。餐牌得3款面，而麵既種類都係有3款可以揀。基本黎既時候係冷麵，除非落單時要求要熱麵。個人之前食開都係熱麵既關係，覺得冷麵有個唔好既地方係一放入熱湯到即食都係涼涼地。。。。無個種熱辣辣既感覺😅食到無一半仲已經搞到成碗湯都凍埋。。。感覺就更加無一開始食時咁好味了🙁叫左2款，一款黑蒜，朋友叫原味豬骨。而麵底就係小麥面同黑胡椒面。其實我食唔出2款面底有乜分別。而黑蒜味比豬骨重味d，好夠味，肉好食，蛋仲要係成粒上。整體不錯，喜歡沾麵的朋友可以一試。