影片
更多
2019-08-11
8002 浏览
英式、日式、港式下午茶，相信大家都吃唔少，但澳葡式下午茶，唔知你又試過未呢？早幾日同小鬼去港島太平洋酒店嘅「中西•環」吃晚市自助餐，得知原來餐廳最近推出左以「喜愛澳葡」為主題的全新下午茶自助餐，瀏覽過餐廳網頁，見有我喜愛的豬扒包、馬介休球、葡式蛋撻等供應，所以亦即時訂了座，趁暑假一家人開開心心嘆番個 Afternoon Tea Buffet，享受一下悠閒時光。一如既往，先由海鮮區出發，海鮮一共有三款，包括熟蝦、藍青口同海蜆。蝦隻 size 雖然不大，但非常鮮甜、肉質結實彈牙；而藍青口亦肥嘟嘟脹卜卜，夠曬爆汁，加上幾款海鮮都 refill 得頗快，實在值得一讚！刺身和卷物方面，選擇不多，但整體質素唔錯。最喜歡當然是筆者至愛的三文魚，不但外表色澤亮麗，而且油脂分佈平均，肉質柔軟嫩滑，用來配搭旁邊清爽的綠茶麵一起吃，清新味美。食完刺身就輪到吃熱盤，有澳門黑毛豬扒包、葡式馬介休球、葡式紅豆豬手、珍珠雞、燒賣、意粉、腸仔、瑞士雞翼、菠蘿火腿、四季芝士薄餅、日式八爪魚小丸子、菜心、牛腩、伊麵和港式車仔麵檔等。豬扒包非常好吃，用上硬豬仔包製作，食落香脆又唔𠝹口，而中間夾著的豬扒亦很水準，肉質粉嫩，鬆
英式、日式、港式下午茶，相信大家都吃唔少，但澳葡式下午茶，唔知你又試過未呢？早幾日同小鬼去港島太平洋酒店嘅「中西•環」吃晚市自助餐，得知原來餐廳最近推出左以「喜愛澳葡」為主題的全新下午茶自助餐，瀏覽過餐廳網頁，見有我喜愛的豬扒包、馬介休球、葡式蛋撻等供應，所以亦即時訂了座，趁暑假一家人開開心心嘆番個 Afternoon Tea Buffet，享受一下悠閒時光。
一如既往，先由海鮮區出發，海鮮一共有三款，包括熟蝦、藍青口同海蜆。蝦隻 size 雖然不大，但非常鮮甜、肉質結實彈牙；而藍青口亦肥嘟嘟脹卜卜，夠曬爆汁，加上幾款海鮮都 refill 得頗快，實在值得一讚！
刺身和卷物方面，選擇不多，但整體質素唔錯。最喜歡當然是筆者至愛的三文魚，不但外表色澤亮麗，而且油脂分佈平均，肉質柔軟嫩滑，用來配搭旁邊清爽的綠茶麵一起吃，清新味美。
食完刺身就輪到吃熱盤，有澳門黑毛豬扒包、葡式馬介休球、葡式紅豆豬手、珍珠雞、燒賣、意粉、腸仔、瑞士雞翼、菠蘿火腿、四季芝士薄餅、日式八爪魚小丸子、菜心、牛腩、伊麵和港式車仔麵檔等。豬扒包非常好吃，用上硬豬仔包製作，食落香脆又唔𠝹口，而中間夾著的豬扒亦很水準，肉質粉嫩，鬆化得來更帶有肉汁。馬介休球外皮非常酥脆，內裡鬆軟綿密、鮮味十足。小丸子外形金黃渾圓，吃起來外脆內軟，加上入面嘅章魚鬆化多汁，鹹鮮爽彈，味道一流。
熱湯方面共有兩款，一中一西，包括有芥菜豆腐湯、野菌蘑菇湯。芥菜豆腐湯下火清熱、消滯生津；而蘑菇湯入口亦濃厚滑溜，菌香撲鼻，味道比預期豐富。
又嚟到甜品時間，今次嘅下午茶自助餐雖然唔係以甜品做主題，但其實甜品嘅款式亦不少，當中包括有三款葡式蛋撻 (經典原味、日曬番茄乾口味、葡式香腸口味)、焙茶木糠布甸、馬介休流心芝士撻、芒果忌廉蛋糕、迷你朱古力卷蛋、焗芝士黑糖西米布甸、迷你小蛋糕、雜果彩虹啫喱、自製班戟、豆腐花、芝麻糊、棉花糖、雞蛋仔、Häagen-Dazs 及雀巢雪糕等。葡式蛋撻是澳門名物，當然唔可以錯過！幾款味道都唔錯，撻皮金黃酥脆，蛋液香滑幼嫩，奶香濃郁。木糠布甸以一層忌廉一層餅碎組成，吃起來香甜滑溜，加上成品加入了焙茶粉製作，入口香氣濃郁，非常誘人。另外馬介休流心芝士撻亦非常值得推介，成品混入了鹹香的馬介休魚肉，配上格外香脆鬆化的牛油撻皮，口感層次極豐富，大家一定要試。
「喜愛澳葡」下午茶自助餐
供應日期: 2019年7月13日至2019年9月30日
供應時間: 晚上3時15分至5時15分
網上預訂下午茶自助餐可享高達 7 折優惠，折後連服務費成人每位只需 $182 起，絕對是親民之選！
张贴
