玄鮨 (已結業)

啦啦啦，我同老公好中意呢間餐廳，位於銅鑼灣旺中帶靜，樓底高，坐得舒服，服務一流，一如既往我地都係食午餐，因為價錢好抵又好食。Sashimi set $330呢個set有刺身，茶碗蒸，飯，煮物，麵豉湯同漬物。刺身有拖羅，池魚，赤貝，魷魚，甜蝦，金目鯛等，拖羅不得不介紹，厚切，油脂豐富，齒夾留香，赤貝新鮮爽口無腥，甜蝦鮮甜，池魚另外沾醬，別有香味。茶碗蒸蛋係滑嘟嘟，入面有大大粒鮮甜蜆肉，白果，冬菇等，有少少芫茜味道更香。蘿蔔蓉煮魚，魚質嫩滑，配上香濃蘿蔔蓉配合得幾好。Deluxe chirashi $360店員話呢個set係最多刺身種類，海膽，帆立貝，拖羅，三文魚籽，牡丹蝦，油甘魚，赤貝，全部都新鮮鮮甜，呢個係大滿足。最後我地食左雪糕夾餅和咖啡做總結。