首首.韓式小館 (已結業)

韓國菜位於喜帖街上嘅韓國菜。店舖好大，裝修簡潔，有兩層。俾人舒適嘅感覺長身次又銀詞根同碟。辣炒八爪魚配素拉麵加水芹菜呢碟賣相不錯，兩小舊素拉麵，辣八爪魚，同水芹菜。辣炒八爪魚，味道辛辣，食落去第一啖覺得甜甜地唔算太辣，但過多陣辣味就開始慢慢滲出，開始覺得辣。呢個辣炒八爪魚，嘅配料已經一早配製，所以冇得叫小小辣。將八爪魚撈埋素拉麵一齊食，減少咗啲辣味。水芹菜嘅味道有少少似重味版既韭菜，質感爽口。傳統韓式辣炒美國自然豬肉豬肉係片狀，食落甜辣。用長泡菜包住豬肉，芝麻葉，蒜頭，同洋蔥。酸酸地好開胃，質感豐富，蒜頭本身炒過，味道唔會太濃同辣，可以成粒食。呢碟菜，值得一試。