割烹水木 (已結業)

作為姜糖，姜man師傳肥仔開新店，梗係第一時間去八卦下試新嘢。去之前都係諗住支持下，唔抱太大期望。新開張唔未爆場，座位少少靜靜地幾好，啲姐姐都好好笑容。7點多我好肚餓，開始上第一二道前菜就好快食晒，接著第三四道係甲魚湯同拖羅刺身。咦，有啲飽飽地添。好彩即刻嚟個開胃的廚師自創睡蓮冷盤，即時開胃。之後keep住都係食貴價食材，海膽魚子Caviar, 海膽熱狗，燒金目鯛，A5和牛，毛蟹飯，靜岡蜜瓜，手打糯米卷，即打綠茶，成16道菜。道道都好味，新鮮，不時不食，飽到條裙都漲晒。如果唔係咁遠，可能好快又要嚟多次。