滿江紅小甜甜 (已結業)

之前在這裡吃過下午茶，食物水準奇低，以為今生今世都唔會返轉頭。點知因為人為疏忽，星期六晚上7時在銅鑼灣被迫轉場又訂唔切枱，見呢間唔洗等位，好啦，費事等位。無希望就無失望，答對了一半，另一半是喜出望外！小甜甜的門面十足一間糖水舖，睇落去真係想像唔到有幾好味的川菜食。口水雞不錯，不過唔試都唔會太大損失；反而奇味雞及胡椒湯煮魚（忘了菜名，看圖識菜啦）必食，奇味雞可以說是超好味的三杯雞, 個汁穠稠得來不會太鹹, 雞肉入口嫩滑, 即使鍋底有個火暖住都肉質不會變老. 強力推薦!　如果你想暖暖胃、驅驅風，但又唔鐘意豬肚，這個胡椒湯煮魚必食。最後埋尾仲有個焗蜆，味道ＯＫ，不過蜆太細隻，食得唔過癮。最後提吓服務，唔好有太多期望，加茶很勤，但其餘的就似街坊酒樓的服務質素，但冇街坊囉。