炻板燒 (已搬遷) 新店位置

難得閒日放假，所以就同媽媽去巿中心個頭食lunch，諗爆頭都唔知食乜好，剛啱路過見到呢間石板燒的店，就決定入去睇下係咩來頭。店內的環境，看得出店主係有用心裝修和設計，牆上有一大幅日式畫，加上座位尚算寬敞，令人感覺非常舒服。Lunch Menu一d都唔貴，個set仲要包埋麵豉湯、味素飯同汽水㖭，勁抵。除了幾款板燒牛之外，仲有丼飯、烏冬同小食，唔算好多選擇，但對於lunch黎講都已經好足夠。板燒封門柳 – 一邊燒一邊食， 好正！之前未食過封門牛，原來係咁好食，口感十分嫰，而肉味好濃，令人回味，配上有味素的飯，好飽好滿足，好彩飯後唔洗開工咋，否則肯定飯氣攻心。鰻魚蛋包飯 - 個蛋包飯勁大份，包住嘅米飯炒到一粒粒，配上切到size剛剛好兼有口感嘅鰻魚，讚，估唔到丼飯都做得咁好。下次約埋朋友食個全日板燒set先，咁就可以叫多幾款板燒牛，大家開心share喇！