有星味﹝Closed﹞ (已結業)

俾門口menu的喇沙圖片吸引，決定入去試下。兩個人叫了一個set，包一碗喇沙/湯飯、一式小食及飲品，再另散叫一碗黃薑豬扒喇沙及一小食-烏打。要了舖頭主打的至尊海鮮喇沙(米粉)，湯底好香好濃郁，味道唔辣。配上好多海鮮，蝦、帶子、魚等等，最好食係豆腐卜，吸晒湯的精華，始終米分同喇沙好相襯。而另外的黃薑豬扒喇沙(米線)，湯底與前者一樣香濃，但豬扒沒有黃薑味，似一塊諗了的酥炸豬扒，而豬扒肉質亦較實，唔夠鬆化，對比之下米線較遜色。小食要了油菜，雖然是一碟普通油菜，但淋了馬拉盞，幾野味。飲品要了青檸梳打，第一次飲沒有氣的青檸梳打，飲唔出青檸味，但有好重的咸柑桔味，有D似係馬來西亞飲的柑桔水。最後是烏打，因為個名夠特別，所以才試下。用了蕉葉包住魚膠，嗅到一陣陣蕉葉味，但食落一D味都無、好淡、又唔彈牙，我唔太欣賞。總體來講，喇沙幾好食，雖然我唔知是否正宗，但好o岩我胃口，下次再o黎的指數好高。