總共叫咗糯米雞、蝦餃、燒賣、黑松露菜餃食落都大致正常、不過燒賣上面粒蝦就痛啲酸，咁我又無話好介意、細細隻由佢啦。
最後講到蝦腸啦 八舊 全部蝦都酸嘅
腸粉皮就幾軟身、好食。
咁我就同職員阿姐反映啦 都無話要退錢果啲
阿姐聽完之後又同咗唔知邊個阿姐講 啲蝦酸酸地
到我食完哂 去賣單啦 都係無人處理過！！
咁我又再同收銀講多次 呢個阿姐有理我啦
仲叫咗個「高級」阿姐來 個阿姐黑口黑面：「退俾佢呀」就打算完咗件事，咁我又講多句：「燒賣上面粒蝦都係酸、蝦餃另一隻蝦就無事。」咁我原意都係想佢同廚房講 處理下。點知佢選擇無視加黑面！根本無諗住搞 全程一句道歉都無 ！！
食物安全呀大佬！大熱天時 我肚痛咁點？
P.S. 食完同行友人話賣單果時聽到另一台客都講緊蝦酸 希望肚仔無事。
總結：管理好有問題，食物一般，部分阿姐幾親切
