翠河燒味 (利東商場)

营业中

休息中

今日同同事lunch去咗一間以快餐為主嘅餐廳，專為打工仔提供快捷嘅午餐選擇。整體感覺~快靚正，上菜速度快，啱晒我哋呢啲時間寶貴嘅上班族！叉燒油雞飯依個飯係標準嘅港式快餐組合，叉燒同油雞份量ok，味道正正常常。叉燒肥瘦適中，油雞皮滑肉嫩，配飯食啱啱好。無咩驚喜，但係穩陣嘅選擇，唔會失望但都唔會有wow嘅感覺。鮮魚湯蠔仔肉碎泡飯魚湯正常，帶出鮮魚嘅鮮味，蠔仔同肉碎嘅配搭增加咗口感同層次，泡飯吸晒湯汁，每啖都滿足。魚湯真係唔錯，飲完暖笠笠，啱晒秋天食。依間餐廳係打工仔嘅福音，上菜快，啱晒趕時間嘅人。碟頭飯穩陣！下次有時間應該會再試其他菜式。