翠河燒味 (利東商場)

营业中

休息中

今日同同事lunch去咗一間以快餐為主嘅餐廳，專為打工仔提供快捷嘅午餐選擇。整體感覺~快靚正，上菜速度快，啱晒我哋呢啲時間寶貴嘅上班族！叉燒油雞飯依個飯係標準嘅港式快餐組合，叉燒同油雞份量ok，味道正正常常。叉燒肥瘦適中，油雞皮滑肉嫩，配飯食啱啱好。無咩驚喜，但係穩陣嘅選擇，唔會失望但都唔會有wow嘅感覺。鮮魚湯蠔仔肉碎泡飯魚湯正常，帶出鮮魚嘅鮮味，蠔仔同肉碎嘅配搭增加咗口感同層次，泡飯吸晒湯汁，每啖都滿足。魚湯真係唔錯，飲完暖笠笠，啱晒秋天食。依間餐廳係打工仔嘅福音，上菜快，啱晒趕時間嘅人。碟頭飯穩陣！下次有時間應該會再試其他菜式。

自從有次食過西式午餐後，已經放棄翠河既西餐，只係晚飯食魚餐，有時叫蒸魚有時叫薑葱魚腩煲，都係唔錯的。上星期個胃唔舒服又唔想食粥，就去食個late breakfast。以往會去商場另一間茶記的因為佢個沙嗲牛好正，件多士係丹麥酥多士。但唔知幾時開始轉咗用餐包或白麵包，無多士供應了！即時downgrade晒個早餐，怪不得人氣都下滑了。講返翠河，今次個經典早餐竟然有件唔錯既油多。牛油份量ok，烘得有多士金黃色绝不馬虎，比起搬舖前有大進步。係舊舖時件多士乾睜睜的，同白麵包分別不大，我次次都要求加牛油，否則完全無意欲食佢。但而家件油多已經煥然一新，由可有可無的配角變成呢份早餐不可或缺的重要元素。總括嚟講呢份經典A餐既質素對得住捧場客。但通粉個湯底仍有進步空間。

幫襯了年幾，厨房啲野越來越難食，佢鐘意比咩就咩，德國腸比太陽腸，問下換一句唔好意思唔換，黑椒雞髀有茄汁未，魚柳飯可以一碟滿汁，服務不講地方唔糸好光淨可以以後不用幫襯了，可惜真可惜。

翠河在新址重開後今日第二次幫襯。上次只匆匆食咗個下午茶，見佢人手係少但剛開張比d時間佢改善啦。事隔两星期今日去食晏。員工多咗幾個但都似係無乜受過訓練既。翠河話哂都係連鎖集團就算請唔到有受過專業訓練既人，公司都應該內部調教吓至比佢地落場做。今日我叫杯咖啡少奶，送嚟果杯有d污漬係杯度梗係叫佢換過杯啦。全場員工裙拉褲甩咁忙住出餐，執枱，出外賣，好不容易叫停個嬸嬸幫我换，但换來一杯d奶仲多過奶茶既。無奈再叫佢換過杯但佢唔多采我，果時一位高级既係附近見到就叫佢即安排，但個嬸嬸好似未瞓醒咁攞住盒奶行埋來。我係要少奶啊!之後高级果位即喝住佢叫佢重新磨過杯咖啡比我。幫我落單果位似中層，但態度都差。我坐落後睇緊餐牌佢就行埋來話落埋我張單先。但我都未決定食乜，又唔係我叫佢來落單，佢竟然好不滿咁勵我一眼就走開。什麼態度？我食完碟意粉但仲有大半杯咖啡未飲，唔知點解忽然有個人坐埋來話搭枱。中午時間明白卡位要搭枱好正常，咁我咪要求d侍應放塊格板，大家三唔識七，我唔知我自己有無新冠病毒咖嘛！個侍應好勞嘈咁話:無呀! 佢地係門口有個牌叫人排隊但好似唔見有人帶位所以d客咪亂坐，見卡位一邊有位就想坐唔理疫情。感覺呢間服務