R&B (已結業)

呢度環境好舒服，尤其是平日冇咁多人，容易坐到近窗位置，一排落地玻璃夠曬光猛，影相打卡一流！員工嘅服務就普通餐廳質素，不過不失咁啦。食物方面：1. 我覺得藍莓ice bar好飮過菠蘿味，幾得意，先放兩支果汁冰棒喺個杯入面，再跟一壺果汁俾你自己加。2. 舊煙肉其實係舊五花腩，鍾意食油香嘅就必叫 (但我覺得可能跟碗白飯會再正D🤣)。3. 沙律新鮮好味，好大碟。4. 雞翼炸得太乾，好「鞋」口。5. 濃蝦汁蟹肉意粉好好味，蟹肉好足料。6. 卡邦尼煙肉意粉芝士味好濃，煙肉超多，啱曬芝士控。總結，雖然價錢唔算平，但食物份量好大同真係幾好味，都算物有所值嘅！