影片
更多
2021-12-24
14 浏览
太子新開居酒屋💛 裝修雅致有格調 細細間但食物款式都算幾齊全 清酒選擇都幾多 ˜”*°•松子仁果仁麻辣沙律($78)•°*”˜呢個沙律真係好有驚喜 估唔到食日本菜都可以食到陣陣譚仔味 係熟悉嘅麻辣湯底呀˜”*°•朝邪惡玉子燒($98)•°*”˜呢度嘅玉子燒採用關東嘅做法 所以係甜嘅 甜甜嘅玉子配上拉絲嘅芝士 果然邪惡˜”*°•燒味淋魚干($78)•°*”˜飲酒又點可以冇下酒菜 魚干用味淋醃製過 甜甜地 口感煙煙韌韌 食到停唔到口˜”*°•薄牛肉豆腐壽喜燒($148)•°*”˜壽喜燒嘅配料好豐富 除咗牛肉仲有啲菇同菜同豆腐 湯底味道比較濃 ˜”*°•奈良冷蕎麥麵($58)•°*”˜唔知大家知唔知道蕎麥麵同清酒其實係一個組合 因為以前嘅蕎麥麵店係即叫即做 好多店家都會賣清酒 等客人喺等待蕎麥麵煮好嘅期間可以小酌一番 呢度有清酒 咁梗係要叫返個蕎麥麵啦˜”*°•月見雞肉棒($68)•°*”˜店家用嘅係日本雞蛋 唔怪得知蛋味咁濃郁啦 配埋甜豉油 啖啖肉 又係一道好好嘅下酒菜˜”*°•啜啜啫喱柚子酒 300ml($208)•°*”˜一枝好得意嘅酒 係啫喱狀嘅 所以飲之前要shake下 搖晃次數決
太子新開居酒屋💛 裝修雅致有格調 細細間但食物款式都算幾齊全 清酒選擇都幾多 
˜”*°•松子仁果仁麻辣沙律($78)•°*”˜
呢個沙律真係好有驚喜 估唔到食日本菜都可以食到陣陣譚仔味 係熟悉嘅麻辣湯底呀
˜”*°•朝邪惡玉子燒($98)•°*”˜
呢度嘅玉子燒採用關東嘅做法 所以係甜嘅 甜甜嘅玉子配上拉絲嘅芝士 果然邪惡
˜”*°•燒味淋魚干($78)•°*”˜
飲酒又點可以冇下酒菜 魚干用味淋醃製過 甜甜地 口感煙煙韌韌 食到停唔到口
˜”*°•薄牛肉豆腐壽喜燒($148)•°*”˜
壽喜燒嘅配料好豐富 除咗牛肉仲有啲菇同菜同豆腐 湯底味道比較濃
˜”*°•奈良冷蕎麥麵($58)•°*”˜
唔知大家知唔知道蕎麥麵同清酒其實係一個組合 因為以前嘅蕎麥麵店係即叫即做 好多店家都會賣清酒 等客人喺等待蕎麥麵煮好嘅期間可以小酌一番 呢度有清酒 咁梗係要叫返個蕎麥麵啦
˜”*°•月見雞肉棒($68)•°*”˜
店家用嘅係日本雞蛋 唔怪得知蛋味咁濃郁啦 配埋甜豉油 啖啖肉 又係一道好好嘅下酒菜
˜”*°•啜啜啫喱柚子酒 300ml($208)•°*”˜
一枝好得意嘅酒 係啫喱狀嘅 所以飲之前要shake下 搖晃次數決定口感 搖得越多就越水狀 柚子果香清新 酒精度只有5% 連唔太好飲酒嘅朋友都接受到
张贴
