影片
更多
2016-08-08
2218 浏览
呢期最興Pokemon GO，朋友捉到癲左，食飯都要爭分奪秒。路過呢間Beer & Fish，不但附近係補給站，而且門口仲可以叉電，簡直人間天堂！即入！酒吧格局，一坐低，店員就送上Bar Snack炸魚皮 ($10)，薄身鬆脆，送酒一流。想飲甜味重、容易入口既啤酒，店員介紹左Hitachino Nest White Ale($75)同Kona Big Wave($73)，果然不帶苦澀味，而且果味濃郁，啱晒女仔飲。Real Fish Fingers ($68)，魚肉煙韌有口感；外層炸得香脆，漿粉味道唔太濃，點埋沙律醬更惹味。Crab Cegg & Gravy ($138)，面層奶油味濃，下面係溫泉蛋同蟹肉，最底層係麵包，有少少Benedict感覺；將雞蛋刺穿，蛋漿傾瀉而下，加埋啖啖蟹肉食，正！Fried Chicken & Shrimp Jambalaya ($98)，雞肉真係超得，外層酥脆唔多油，入面雞肉好嫰滑，咬落去啖啖肉；蝦仔一啖一隻，蝦肉爽口；底層既辣肉腸飯都唔錯，酸酸辣辣，飽肚又滿足！Beer Battered Fish and Fries (辣啤+B&F他他，$88)，英式F
呢期最興Pokemon GO，朋友捉到癲左，食飯都要爭分奪秒。路過呢間Beer & Fish，不但附近係補給站，而且門口仲可以叉電，簡直人間天堂！即入！
酒吧格局，一坐低，店員就送上Bar Snack炸魚皮 ($10)，薄身鬆脆，送酒一流。
想飲甜味重、容易入口既啤酒，店員介紹左Hitachino Nest White Ale($75)同Kona Big Wave($73)，果然不帶苦澀味，而且果味濃郁，啱晒女仔飲。
Real Fish Fingers ($68)，魚肉煙韌有口感；外層炸得香脆，漿粉味道唔太濃，點埋沙律醬更惹味。
Crab Cegg & Gravy ($138)，面層奶油味濃，下面係溫泉蛋同蟹肉，最底層係麵包，有少少Benedict感覺；將雞蛋刺穿，蛋漿傾瀉而下，加埋啖啖蟹肉食，正！
Fried Chicken & Shrimp Jambalaya ($98)，雞肉真係超得，外層酥脆唔多油，入面雞肉好嫰滑，咬落去啖啖肉；蝦仔一啖一隻，蝦肉爽口；底層既辣肉腸飯都唔錯，酸酸辣辣，飽肚又滿足！
Beer Battered Fish and Fries (辣啤+B&F他他，$88)，英式Fish and chips風格，炸漿厚身帶辣味，入面既鱈魚爽口有魚味，水準之作。张贴
